কিয় কংগ্ৰেছ হাইকমাণ্ডে শিৱকুমাৰৰ পৰিৱৰ্তে কৰ্ণাটকৰ মুখ্যমন্ত্ৰীৰ আসনত বহুৱালে সিদ্ধাৰামাইয়াক
কি অঙ্কত শিবকুমাৰক পিছ পেলাই মুখ্যমন্ত্ৰী হ’ল সিদ্ধাৰামাইয়া?
কৰ্ণাটকত একনাথ চিন্দে’ সৃষ্টি কৰিব বিচৰা নাই কংগ্ৰেছে নে আন কিবা?
কিহৰ অঙ্কত শিবকুমাৰৰ পৰিৱৰ্তে সিদ্ধাৰামাইয়াই লাভ কৰিলে মুখ্যমন্ত্ৰীৰ আসন। কংগ্ৰেছৰ আভ্যন্তৰিণ খবৰ অনুসৰি পাঁচ কাৰণত কংগ্রেছ হাইকামাণ্ডৰ ‘আস্থা’ লাভ কৰি কংগ্রেছৰ ছাত্র সংগঠনৰ পৰা অহা শিবকুমাৰৰ পৰিৱৰ্তে কৰ্ণাটকৰ শাসনৰ বাঘজড়ি ধৰিলে জেডিএছৰ পৰা অহা সিদ্দাৰামাইয়াই।
কৰ্ণাচকৰ বিধানসভা নিৰ্বাচনত কংগ্ৰেছৰ বিপুল জয় লাভত শিৱকুমাৰৰ ভূমিকা অতি গুৰুত্বপূৰ্ণ। .
কৰ্ণাটক প্ৰদেশ কংগ্ৰেছ কমিটীৰ সভাপতি ডি কে শিৱকুমাৰে দলৰ নেতৃত্বৰ প্ৰতি থকা আনুগত্যৰ ক্ষেত্ৰত প্ৰতিদ্বন্দী সিদ্ধাৰামাইয়াতকৈ আগবাঢ়ি আছিল। কিন্তু তাৰ পিছতো সিদ্দায়েই শেষ হাঁহি মাৰিলে। কংগ্ৰেছ হাইকমাণ্ডে কিয় ‘জনতা পৰিয়াল’ৰ পৰা অহা প্ৰাক্তন মুখ্যমন্ত্ৰীক বাংগালুৰুৰ কুৰ্চী হস্তান্তৰ কৰাৰ সিদ্ধান্ত লৈছিল?কংগ্ৰেছৰ ভিতৰৰ পৰা অহা খবৰ অনুসৰি যদিও সিদ্দাৰামাইয়া পূৰ্ৱে কৰ্ণাটকৰ উপ মুখ্যমন্ত্ৰী আৰু মুখ্যমন্ত্ৰীৰ দৰে পদত অধিষ্ঠিত আছিল , তেওঁৰ বিত্তীয় অনিয়মৰ কোনো অভিযোগৰ সন্মুখীন হোৱা নাই। আনহাতে, প্ৰাক্তন মন্ত্ৰী শিৱকুমাৰৰ বিৰুদ্ধে বিত্তীয় অনিয়মৰ কেইবাটাও গোচৰ আছে। এই সপ্তাহৰ আৰম্ভণিতে, চিবিআইয়ে শিৱকুমাৰৰ বিৰুদ্ধে অসামঞ্জস্যপূৰ্ণ সম্পত্তিৰ গোচৰৰ তদন্ত বিচাৰি উচ্চতম ন্যায়ালয়ত আবেদন কৰিছিল। বিগত ছেপ্টেম্বৰত শিৱকুমাৰৰ বিভিন্ন ঠিকনাত তালাচী চলাইছিল।
ডিচেম্বৰত, চিবিআইয়ে বিশিষ্ট ব্যৱসায়ী শিৱকুমাৰৰ কেইবাটাও শিক্ষানুষ্ঠানত অভিযান চলাইছিল। ইয়াৰ মাজতে, অবৈধ বিত্তীয় লেনদেনৰ সন্দৰ্ভত আন এটা কেন্দ্ৰীয় সংস্থা, প্ৰৱৰ্তন সঞ্চালকালয়েও তেওঁক সোধা-পোছা কৰিছিল। ফলস্বৰূপে, তেওঁৰ বিৰুদ্ধে কেন্দ্ৰীয় সংস্থাসমূহৰ “অত্যাধিক সক্ৰিয়তা”ৰ ফলস্বৰূপে মুখ্যমন্ত্ৰীৰ আসনৰ ক্ষেত্ৰত পিছ পৰি ৰৈছিল।
আনহাতে কংগ্ৰেছসূত্ৰই জনোৱা অনুসৰি কৰ্ণাটকৰ পৰা নিৰ্বাচিত কংগ্ৰেছৰ বেছিভাগ বিধায়কেও সিদ্ধাৰামাইয়াক বিচাৰিছিল। তিনিজনীয়া পৰ্যবেক্ষক দলে বিধায়কসকলৰ সৈতে ব্যক্তিগত পৰ্যায়ত কথা পতাৰ পিছত এআইচিচিয়ে প্ৰস্তুত কৰা প্ৰতিবেদনত এইকথা স্পষ্টভাৱে কোৱা হৈছিল।
কংগ্ৰেছ হাইকমাণ্ডে আশা কৰিছে যে পিছপৰা শ্ৰেণী, দলিত আৰু মুছলমানৰ সৈতে অ’চিবি সম্প্ৰদায়ৰ নেতাই সৃষ্টি কৰা ‘অহিন্দা’ সমীকৰণৰ ফলাফল লোকসভা নিৰ্বাচনত হ’ব। কৰ্ণাটকত, ‘অহিন্দা’ৰ ভোটদানৰ হাৰ 40 শতাংশতকৈ অধিক। মল্লিকাৰ্জুন খাৰ্গে আৰু ৰাহুল গান্ধীয়ে অনুভৱ কৰে যে লোকসভা নিৰ্বাচনত নৰেন্দ্ৰ মোডীৰ অ’বিচি পৰিচয় প্ৰতিহত কৰিবলৈ কৰ্ণাটকত ভোট বেংক অক্ষুণ্ণ ৰাখিবলৈ অ’বিচি সিদ্ধাৰামাইয়াৰ প্ৰয়োজন। ফলস্বৰূপে, ভক্কালিগা জাতিৰ নেতা শিৱকুমাৰ পিছ পৰি আছে। কৰ্ণাটকত ভক্কালিগা ভোটদানৰ হাৰ ১৫ শতাংশ, যাৰ বহুসংখ্যক “জেডি(এছ) সমৰ্থক” বুলি জনা যায়।
অৱশ্যে, কংগ্ৰেছৰ শীৰ্ষ নেতৃত্বৰ এটা অংশই আশংকা কৰিছিল যে যদি শিৱকুমাৰক মুখ্যমন্ত্ৰীত্ব দিয়া হয় , সিদ্ধাৰামাইয়াক মুখ্যমন্ত্ৰী কৰা নহয়, তেন্তে তেওঁ বিদ্ৰোহ কৰিব পাৰে। আনকি “ইংগিত” দিয়া হৈছিল যে তেওঁ দেৱগৌড়াৰ জেডি(এছ)ৰ সৈতে হাত মিলাই বিজেপিৰ সমৰ্থনত চৰকাৰ গঠন কৰিব পাৰে। সিদ্ধাৰামাইয়া এসময়ত কংগ্ৰেছ-জেডি(এছ) চৰকাৰত দেৱগৌড়াৰ দলৰ উপ মুখ্যমন্ত্ৰী আছিল। ফলস্বৰূপে, কংগ্ৰেছে লোকসভা নিৰ্বাচনৰ পূৰ্বে কৰ্ণাটকত ‘একনাথ চিন্দে’ সৃষ্টি কৰিব বিচৰা নাছিল।
