Massive Fire At ONGC Rig at Nazira: বাঘজানৰ ঘটনা পুনৰাবৃত্তি! গেলেকীৰ হাতীপটি বাগিছাত অ’এনজিচি ড্ৰীলিং ৰীগত ভয়ংকৰ অগ্নিকাণ্ড

বাঘজান ঘটনাৰ পুনৰাবৃত্তি। নাজিৰা ৰাজহ চক্ৰৰ অধীনৰ গেলেকীৰ হাতীপটি বাগিছাত থকা অ’এনজিচি ড্ৰীলিং ৰীগত হঠাৎ ভয়ংকৰ অগ্নিকাণ্ডৰ ঘটনা । ডিলীং ৰীগত কাম চলি থকাৰ সময়তেই ৰীগত জুইৰ সূত্ৰপাত হয় । বিধ্বংসী জুই নিৰ্বাপন কৰিবৰ বাবে অগ্নি নিৰ্বাপন বাহিনীৰ বাহন ঘটনাস্থলীলৈ ৰাওনা হয় । কলা ধোঁৱাই ছানি ধৰিছে সমগ্ৰ অঞ্চলটো । কিন্তু কি কাৰণত এই জুইৰ সূত্ৰপাত হয় সেয়া জানিব পৰা নাই। অৱশ্যে এই দুৰ্ঘচনাত সৌভাগ্যবশত কোনো লোক হতাহত হোৱা নাই। হাতীপটি বাগিছাত থকা অ’এনজিচি ডিলীং ৰীগটোৰ এই ভয়ংকৰ অগ্নি নিৰ্বাপনৰ চেষ্টা অব্যাহত থকাৰ মাজতেই অঞ্চলজুৰি এক চেপা উত্তেজনাই বিৰাজ কৰে।