সত্ৰৰ ভূমি বেদখলমুক্ত কৰাৰ বাবে ৰাজ্য চৰকাৰে এক্সন লোৱাৰ সময়তেই পোহৰলৈ আহিছে এক চাঞ্চল্যকৰ তথ্য। বেতকুচিৰ শ্ৰীশ্ৰী জৰাবাৰী সত্ৰৰ ভূমি বেআইনী প্ৰক্ৰিয়াৰে ক্ৰয় কৰি ৰেষ্টুৰেন্ট নিৰ্মাণ কৰাৰ অভিযোগ উত্থাপিত হৈছে। চৰকাৰে সত্ৰক আৱন্তন দিয়া ভূমি বেআইনী প্ৰক্ৰিয়াৰে ক্ৰয় কৰি ৰেষ্টুৰেন্ট নিৰ্মাণ কৰাৰ অভিযোগ উত্থাপিত হৈছে। বেতকুচিৰ শ্ৰীশ্ৰী জৰাবাৰী সত্ৰৰ সমীপত নিৰ্মাণ কৰা হৈছে 'ওঘা' নামৰ এখন ৰেষ্টুৰেন্ট। সত্ৰৰ ভূমি বে-আইনীভাৱে ক্ৰয় কৰাৰ প্ৰক্ৰিয়াৰে আমগুৰিৰ অগপ বিধায়ক প্ৰদীপ হাজৰিকাৰ দুই ভতিজাক জড়িত থকাৰ অভিযোগ উত্থাপিত হৈছে। প্ৰদীপ হাজৰিকাৰ ভতিজা জনাৰ্দণ হাজৰিকা আৰু অভিনন্দন হাজৰিকাই বেআইনী প্ৰক্ৰিয়াৰে সত্ৰৰ ভূমি ক্ৰয় ৰেষ্টুৰেন্ট কৰি নিৰ্মাণ কৰাৰ অভিযোগ।
সত্ৰৰ ভূমি বেআইনীভাবে ক্ৰয় কৰাৰ ঘটনাৰ বিৰোধিতাৰে প্ৰতিবাদত বহিল হিন্দু যুৱ ছাত্ৰ পৰিষদ অসমৰ সদস্য। 'ওঘা' নামৰ ৰেষ্টুৰেন্টখনৰ বিৰুদ্ধে প্ৰতিবাদ হিন্দু যুৱ ছাত্ৰ পৰিষদ অসমৰ। উল্লেখযোগ্য যে,অসমৰ সত্রৰ ভূমি সমস্যা পর্যবেক্ষণ আৰু পৰীক্ষণ কৰিবলৈ চৰকাৰে গঠন কৰি দিয়া সমিতিৰ অধ্যক্ষ আছিল বিধায়ক প্ৰদীপ হাজৰিকা। সত্ৰসমুহৰ বেদখল হৈ থকা ভূমিৰ সন্দৰ্ভত বিধায়ক প্ৰদীপ হাজৰিকা অধ্যক্ষতাত গঠিত সমিতিয়ে মুখ্যমন্ত্ৰীৰ হাতত দাখিল কৰিছিল প্ৰতিবেদন। এতিয়া প্ৰশ্ন হৈছ,বিধায়ক প্ৰদীপ হাজৰিকাৰ অধ্যক্ষতাত গঠিত কমিটিয়ে বেতকুচিৰ শ্ৰীশ্ৰী জৰাবাৰী সত্ৰৰ ভূমি বেদখলৰ সন্দৰ্ভত লাভ কৰা নাছিল নেকি তথ্য ?
জৰাবাৰী সত্ৰৰ চৌহদ দখল কৰা ৰেষ্টুৰেন্টখন অতি শীঘ্ৰেই বন্ধ কৰাৰ দাবী হিন্দু সংগঠনটোৰ। সত্ৰখন অতিশীঘ্ৰেই ভক্ত তথা দৰ্শনাৰ্থীৰ বাবে সত্ৰ খন মুকলি কৰি দিয়াৰ দাবী হিন্দু যুৱ ছাত্ৰ পৰিষদ অসমৰ। সত্ৰৰ মাটিত কিদৰে এনে এখন ৰেষ্টুৰেন্ট হ'বলৈ পালে তাৰ এক উচ্চপৰ্য্যায়ৰ তদন্ত বিচাৰিছে প্ৰতিবাদকাৰীয়ে । পূৰ্বৰ সত্ৰাধিকাৰ পোনাৰাম বাপৰ মৃত্যুৰ তদন্ত হ'ব লাগে আৰু লক্ষীকান্ত ডেকা কিদৰে সত্ৰাধিকাৰ হ'ল তাৰো এক তদন্তৰ দাবী সংগঠনটোৰ।
