ৰাজ্যজুৰি উচ্ছেদ অভিযান চলি থকাৰ মাজতেই বিজেপিত সৃষ্টি হৈছে খহনীয়া। প্ৰদেশ কংগ্ৰেছৰ সভাপতি গৌৰৱ গগৈ কাৰ্বি আংলং ভ্ৰমণৰ পাছতেই জিলাখনৰ বিজেপিত সৃষ্টি হৈছে খহনীয়া। পশ্চিম কাৰ্বি আংলঙৰ বিজেপি কৰ্মীৰ লগতে আন ৰাজনৈতিক দলৰ নেতা কৰ্মীয়ে যোগদান কৰিলে কংগ্ৰেছত। কাৰ্বি আংলঙৰ CEM তুলিৰাম ৰংহাঙৰ গৃহ সমষ্টিতে ৩০০ বিজেপি কৰ্মীয়ে যোগদান কৰিলে কংগ্ৰেছ। মুখ্যমন্ত্ৰীৰ অতিকৈ ঘনিষ্ঠ তুলিৰামৰ বিৰুদ্ধে অসন্তুষ্ট তিনি শতাধিক বিজেপি কৰ্মীয়ে ডংকামোকামত যোগদান কৰিলে কংগ্ৰেছত।
শেহতীয়াকৈ কাৰ্বি আংলং ভ্ৰমণ কৰি CEM তুলিৰাম ৰংহাঙৰ বিৰুদ্ধে ভয়ংকৰ দুৰ্নীতিৰ অভিযোগ উত্থাপন কৰিছিল গৌৰৱ গগৈয়ে। কাৰ্বিভূমিত এইবাৰ খেলা হ'ব বুলি বিজেপিক মুকলি প্ৰত্যাহ্বান জনাইছিল গৌৰৱ গগৈয়ে। শনিবাৰে কাৰ্বি আংলং জিলা কংগ্ৰেছৰ সভাপতি আগষ্টীন ইংহিৰ উপস্থিতিত কংগ্ৰেছত যোগদান কৰে বিজেপি কৰ্মীয়ে। আগন্তুক বিধানসভা নিৰ্বাচনৰ বাবে কংগ্ৰেছ দলে কাৰ্বিভূমিত আৰম্ভ কৰি দিছে নিৰ্বাচনী যুঁজ।
