অৱশেষত উদ্ধাৰ হল শুকুৰ আলীৰ চাহৰ দোকান। দোকান বিচাৰি নাপায় কান্দি কান্দি ভাগৰি পৰা শুকুৰ আলীৰ দোকানখন অৱশেষত আজি উদ্ধাৰ হ'ল। শুকুৰ আলীয়ে কষ্ট কৰে, কষ্টৰ মূল্য বুজে। শ্ৰম কৰি দুপইচা উপাৰ্জন কৰি ঘৰ এটা সজাৰ সপোন দেখে। আৰু সেই সূত্ৰে দিছিল এখন চাহৰ দোকান। শুকুৰৰ চাহৰ দোকানলৈ চাহপ্ৰেমীৰ শ্ৰোত বয়। কিছু সংখ্যক যায় শুকুৰৰ লগত কথা পাতিবলৈ,একাংশই চাহ খাবলৈ। শুকুৰে কিন্তু সকলোকে চাহ খুৱাই। উপাৰ্জনৰ একমাত্ৰ ব্যৱসায় চাহৰ দোকানখন হঠাত ৰাতিটোৰ ভিতৰতে হেৰাই থাকিল। চাহৰ দোকান বিচাৰি শুকুৰৰ লাগিল হাহাকাৰ। শুকুৰৰ কান্দোন চাই একাংশই আকো ৰং পাই।
অৱশেষত উদ্ধাৰ হ'ল শুকুৰ আলীৰ দোকানখন। কোনো দুবৃত্তই নিশা শুকুৰ আলীৰ দোকানখন উঠাই লৈ গৈ দলিয়াই দিছিল পুখুৰীত। ঘটনা সন্দৰ্ভত শুকুৰ আলীয়ে গৌৰীপুৰ আৰক্ষী থানাত দিয়া এজাহাত ভিত্তিত আৰক্ষীয়ো চলাইছিল অভিযান। অৱশেষত গৌৰীপুৰ মহামায়া পুখুৰীৰ পৰা ২৪ ঘণ্টা পিছতে উদ্ধাৰ কৰিবলৈও সক্ষম হয় গৌৰীপুৰ আৰক্ষীয়ে শুকুৰ আলীৰ দোকানখন। শুকুৰবাৰে পুখুৰীটোত প্ৰায় ২ ঘণ্টা সময় অভিযান চলাইদিল যদিও কোনো সন্ধান পোৱা নাই।
উল্লেখযোগ্য যে গৌৰীপুৰ মাজ মজিয়াৰ পৰা আৰক্ষী কটকটীয়া নিৰাপত্তাৰ মাজতো কেনেকৈ এনে কাম কৰিব পাৰে সচেতন মহলৰ মাজত প্ৰতিক্ৰিয়াৰ সৃষ্টি হৈছে। অনতি পলমে এনে কৰ্মৰ লগত জঢ়িত থকা ব্যক্তিক চিনাক্ত কৰি আইন গত শাস্তি দিয়াৰ দাবি জনাইছে সচেতন ৰাইজে।
