গোৱালপাৰা আৰু ধুবুৰীৰ সংখ্যালঘু অঞ্চলৰ উচ্ছেদক লৈ দুভাগত বিভক্ত হৈছে মুছলমান সংগঠন। উচ্ছেদৰ প্ৰসংগত হিমন্ত বিশ্ব শৰ্মাৰ চৰকাৰলৈ মুকলিকৈ সমৰ্থন গৰীয়া মৰিয়া দেশী জাতীয় পৰিষদৰ। ধুবুৰী আৰু গোৱালপাৰাত সংখ্যালঘু অঞ্চলত চলা উচ্ছেদৰ বিৰোধিতা কৰা আমছুক ধিক্কাৰ দিলে গৰীয়া মৰিয়া দেশী জাতীয় পৰিষদে। সংখ্যালঘুৰ উচ্ছেদৰ সন্দৰ্ভত 'মুছলমান' শব্দ ব্যৱহাৰ নকৰিবলৈ আমছুক সকিয়নি দিলে গৰীয়া মৰিয়া দেশী জাতীয় পৰিষদে।
ভাৰত বিভাজনৰ সময়ত মৌলানা ভাচানীয়ে অসমৰ খালী মাটি দখল কৰিবলৈ নিৰ্দেশ দিছিল প্ৰবজনকাৰীক! শনিবাৰে সংবাদমেল অনুষ্ঠিত কৰি সন্দেহযুক্ত লোকৰ হকে মাত মতা আমছুৰ বিৰুদ্ধে গৰিজি উঠিল খিলঞ্জীয়া মুছলমান সংগঠনটো। অসম আন্দোলনৰ বিৰোধিতাৰে জন্ম হোৱা আমছুয়ে সন্দেহযুক্ত লোকৰ হৈ মাত মাতি আহিছে বুলি বিস্ফোৰক অভিযোগ খিলঞ্জীয়া মুছলমান সংগঠনটোৰ। খালী মাটি দেখিলেই দখল কৰাৰ প্ৰৱণতা থকা সন্দেহজনক লোকে পৰিকল্পিতভাবে ষড়যন্ত্ৰ কৰাৰ অভিযোগ গৰীয়া মৰিয়া দেশী জাতীয় পৰিষদৰ। অসমত থাকি অসমৰ মাটি দখল কৰা সন্দেহজনক লোকে আৰক্ষীক আক্ৰমণৰ সাহস ক'ত পালে বুলি প্ৰশ্ন খিলঞ্জীয়া মুছলমান সংগঠনটোৰ।
চৰকাৰে উচ্ছেদ কৰা এই সন্দেহজনক লোকৰ নেপথ্যত একাংশ অসম বিৰোধী বুদ্ধিজীৱী থকাৰ সন্দেহ গৰীয়া-মৰিয়া দেশী জাতীয় পৰিষদৰ। 'খিলঞ্জীয়াৰ স্বাৰ্থত অসমত উচ্ছেদ চলিছে আৰু চলিবই বুলি দাবী কৰিলে গৰীয়া মৰিয়া দেশী জাতীয় পৰিষদে।
