গোৱালপাৰাৰ পাইকানত চলা উচ্ছেদত ভুল হ'ল নেকি প্ৰশাসনৰ ?
উচ্ছেদ কৰিব নলগীয়া স্থানত উচ্ছেদ কৰিলে নেকি প্ৰশাসনে ?
পাইকান বনাঞ্চলৰ ভূমিত হোৱা বেদখল উচ্ছেদ কৰাৰ সময়ত উচ্ছেদ কৰা হ'ল নেকি ৰাজহ গাঁৱত ?
এক RTIৰ তথ্যই পাইকান বনাঞ্চলত চলা উচ্ছেদ অভিযানক লৈ সৃষ্টি কৰিছে বিতৰ্কৰ। বিগত বর্ষৰ নৱেম্বৰত মাটিয়া ৰাজহ চক্ৰ বিষয়াৰ কাৰ্যালয়ে দিয়া RTIৰ উত্তৰত জনাইছিল অশুডুবিক ৰাজহ গাঁও বুলি। অশুডুবি ৰাজহ গাঁৱৰ ২৬১ নং, ২৫৩ নং, আৰু ২৭৪ নং দাগৰ ভূমি খিনিহে শালনী শ্ৰেণীৰ চৰকাৰী মাটি বুলি জনাইছিল ৰাজহ চক্ৰ বিষয়াই।
ইয়াৰে ২৬১ নং দাগত ৬ বিঘা ৩ কঠা ৫ লেছা, ২৫৩ দাগত ৩৭৯ বিঘা ২ কঠা ১৯ লেছা আৰু ২৭৪ নং দাগত ২৮২ বিঘা ৩ কঠা ১৭ লেছা ভূমি চৰকাৰী ভূমি বুলি জনাইছিল ৰাজহ চক্ৰ বিষয়াই। এই চৰকাৰী ভূমি সমূহ পাইকান বনাঞ্চলৰ অন্তৰ্ভুক্ত কৰাৰ বাবে কোনো ৰাজপত্ৰিত জাননী প্ৰকাশ কৰা হোৱা নাই বুলি জনাইছিল ৰাজহ চক্ৰ বিষয়াই। এই RTIৰ তথ্য পোহৰলৈ অহাৰ পাছতেই সৃষ্টি হৈছে ব্যাপক প্ৰতিক্ৰিয়া। প্ৰশ্ন উঠিছে ভুল হ'ল নেকি প্ৰশাসনৰ ?
