খিলঞ্জীয়া ৰাভালোকৰ ভূমি বেদখল কৰিলে BJPৰ শীৰ্ষ বিহাৰী নেতাই। হিন্দু মানুহৰে মাটি দখল কৰিলে হিন্দু ৰক্ষাৰ শপত লোৱা BJP নেতাই। খিলঞ্জীয়াৰ মাটি বেদখল কৰি মুছলমানক অপবাদ দিয়াৰ চেষ্টা BJP নেতাৰ। বহিৰাগতৰে মিলি ৰাভা লোকৰ ভূমি দখল প্ৰাক্তন মুখ্যমন্ত্ৰীৰ OSD প্ৰকাশ কাশ্যপৰ। খিলঞ্জীয়াৰ ভূমি দখল কৰা BJP নেতাৰ স্বৰূপ উদঙালে খোদ BJP নেতাই।
এইজন শীৰ্ষ BJP নেতা প্ৰকাশ কাশ্যপ। দুদিনমান পূৰ্বলৈ প্ৰকাশ কাশ্যপৰ পৰিচয় আছিল প্ৰাক্তন মুখ্যমন্ত্ৰী সৰ্বানন্দ সোনোৱালৰ OSD তথা বৰ্তমান APDCLৰ সঞ্চালক । পিছে এইজনা শীৰ্ষ BJP নেতাৰ নামৰ পাছফালে আজিৰে পৰা সংলগ্ন হ'ল আন এক পৰিচয়। পৰিচয় মানে,খিলঞ্জীয়াৰ মাটি বেদখলকাৰীৰ পৰিচয়। খিলঞ্জীয়াৰ মাটি দখল কৰি কুখ্যাতি অর্জন কৰিলে BJP নেতা প্ৰকাশ কাশ্যপে।
BJP নেতা গৰাকীৰ বিৰুদ্ধে এই অভিযোগ আমাৰ নহয়। খোদ একাংশ BJP নেতাৰ লগতে ৰাভা ছাত্র সন্থাই সংবাদ মেল সম্বোধন কৰি BJP নেতা প্ৰকাশ কাশ্যপৰ বিৰুদ্ধে উত্থাপন কৰিছে এই গুৰুতৰ অভিযোগ। লক্ষীপুৰ টাউন কমিটিৰ পৌৰপতি ৰাজেশ গুপ্তাৰে মিলি স্থানীয় ৰাভা লোকৰ মাটি দখল কৰাৰ অভিযোগ প্ৰকাশ কাশ্যপৰ বিৰুদ্ধে। অভিযোগ অনুসৰি, ৩৮ বিঘা ৪ কঠা ৮ লেচা মাটি গৰাকীৰ অজ্ঞাতে নিজৰ নামত নামজাৰী কৰি লয় ভু-মাফিয়া প্ৰকাশ কাশ্যপ আৰু ৰাজেশ গুপ্তাই।
উল্লেখযোগ্য যে, খিলঞ্জীয়া হিন্দু লোকৰ ভূমি বেদখল কৰা BJP নেতা গৰাকীৰ কু কৃতি পোহৰলৈ অহাৰ পাছতেই আত্মৰক্ষাৰ চেষ্টা চলাই একাংশ মুছলমান লোকে সেই মাটি ক্ৰয় কৰাৰ বাবে চেষ্টা চলোৱা বুলি কৰা প্ৰকাশ কাশ্যপে কৰা মন্তব্যক মিথ্যাচাৰ আখ্যা BJP নেতা মনোজ ৰাভাৰ। কেৱল ইমানেই নহয় ভু মাফিয়া প্ৰকাশ কাশ্যপ আৰু ৰাজেশ গুপ্তাই ভূমি বেদখল কৰিবলৈ বিধবা মহিলাৰ ঘৰত নিশাৰ আন্ধাৰত গুণ্ডা বাহিনী পঠোৱাৰো অভিযোগ উত্থাপন কৰে BJP নেতা মনোজ ৰাভাই।
BJP নেতা গৰাকীৰ এই কু-কৃতি উদঙাই ৰাভা ছাত্ৰ সন্থাই ভু মাফিয়া প্ৰকাশ কাশ্যপ আৰু ৰাজেশ গুপ্তাক মাটি ঘূৰাই দিবলৈ বান্ধি দিলে এক মাহৰ সময় সময় সীমা। মিঞাই খিলঞ্জীয়াৰ ভূমিত কৰা বেদখলৰ বিৰুদ্ধে বুলড'জাৰ চলাই খিলঞ্জীয়া লোকক ন্যায় দিয়া বুলি দাবী কৰি অহা মুখ্যমন্ত্ৰী হিমন্ত বিশ্ব শৰ্মাই খোদ তেওঁৰ দলৰেই শীৰ্ষ নেতাই খিলঞ্জীয়াৰ ভূমিত কৰা বেদখল মুক্ত কৰি ন্যায় দিব নে খিলঞ্জীয়া ৰাভা পৰিয়াল কেইটাক। অব্যাহত থাকিব নে মুখ্যমন্ত্ৰীৰ ন' কম্প্ৰমাইজ নীতি। নে BJP নেতাৰ কু কাণ্ডৰ সন্দৰ্ভত ধৃতৰাষ্ট্ৰ হ'ব মুখ্যমন্ত্ৰী সেয়া লক্ষণীয় হব।
