সন্দেহজনক লোকৰ বেদখলৰ পৰা সাৰি নগ'ল শৈক্ষিক আৰু সাংস্কৃতিক চহৰ যোৰহাট। যোৰহাটত সন্দেহজনক লোকে মাটি দখল কৰাৰ অভিযোগ তুলি ৰাজপথত নামিল বীৰ লাচিত সেনা। অসমৰ দ্বিতীয়খন প্ৰাচীন চহৰ যোৰহাটক বেদখলমুক্ত কৰাৰ দাবীত প্ৰতিবাদত নামিল বীৰ লাচিত সেনাৰ সৈনিক। এসপ্তাহৰ ভিতৰত যোৰহাটত হোৱা অবৈধ বেদখল উচ্ছেদ কৰিবলৈ জিলা প্ৰশাসনক সময় বান্ধি দিলে বীৰ লাচিত সেনাই। যোৰহাটৰ হাতীগড়, টোকোলাইত বেদখল উচ্ছেদ কৰাৰ দাবী সংগঠনটোৰ সৈনিকে।
যোৰহাটৰ মাজমজিয়াত বহুলোকে অবৈধভাবে ঘৰ-প্ৰতিষ্ঠান নিৰ্মাণ কৰাৰ অভিযোগ উত্থাপিত হৈছিল। জিলা প্ৰশাসনৰ কাৰ্যালয়ৰ সন্মুখত বীৰ লাচিত সেনাৰ সৈনিকৰ প্ৰতিবাদী কাৰ্যসূচী। যোৰহাট জিলা আয়ুক্তকৰ যোগেদি মুখ্যমন্ত্ৰীলৈ ৯ দফীয়া দাবী সম্বলিত স্মাৰক পত্ৰ প্ৰদান কৰিলে বীৰ লাচিত সেনাৰ সৈনিকে। উচ্ছেদ অভিযানত অসম চৰকাৰক পূৰ্ণ সহযোগিতা কৰাৰ প্ৰতিশ্ৰুতি দিলে বীৰ লাচিত সেনাই।
