সৰুপথাৰৰ উৰিয়ামঘাটত উচ্ছেদ চলোৱাৰ পূৰ্বেই মুখ্যমন্ত্ৰীক চেলেঞ্জ কৰিলে উচ্ছেদিতই। সৰুপথাৰৰ উৰিয়ামঘাটলৈ আমি আকৌ ঘূৰি আহিম,এইটো আমাৰ ঠাই বুলি দাবী কৰিলে এজন যুৱকে। সৰুপথাৰৰ উৰিয়ামঘাটত উচ্ছেদ কাৰ্য শেষ হোৱাৰ পাছত আমি এই স্থানলৈ আকৌ ঘূৰি আহিম বুলি মন্তব্য যুৱকজনৰ।
আমাৰ পৰিয়াল ডাঙৰ গতিকে থাকিবলৈ আৰু বিকল্প স্থান নাই বাবে উচ্ছেদৰ পাছত উৰিয়ামঘাটলৈ আকৌ ঘূৰি আহিম! বুধবাৰে সৰুপথাৰৰ উৰিয়ামঘাট এৰি যোৱাৰ পূৰ্বে অন কেমেৰাত এই বিস্ফোৰক ভাষ্য দি গ'ল যুৱকজনে।
ইতিমধ্যে উৰিয়ামঘাটত উচ্ছেদ চলোৱাৰ পূৰ্বেই টালি-তোপলো বান্ধি ৰাওনা হৈছে শতাধিক লোক। কিন্তু উচ্ছেদ অভিযান শেষ হোৱাৰ পাছত উৰিয়াম ঘাটলৈ ৫০০ টা পৰিয়াল পুনৰ ঘূৰি আহিব বুলি দাবী কৰিলে যুৱকজনে।
উল্লেখযোগ্য যে,উৰিয়ামঘাটত মাত্ৰ ৫০০ ঘৰ সন্দেহজনক লোকে বেদখল কৰি আছে হাজাৰ হাজাৰ বিঘা ভূমি। ৭ দিনৰ ভিতৰত সন্দেহজনক ৫০০ টা পৰিয়ালক উৰিয়াম ঘাটৰ পৰা উঠি যাবলৈ জাননী জাৰি কৰিছিল প্ৰশাসনে।
