শান্তিৰ BTRৰ দাবী কৰা প্ৰমোদ বড়োৰ নিজৰেই নাই শান্তি!
শান্তিৰ BTR! ভাষণ শুৱনি কৰি এই শব্দটো যতেই যায় তাতেই কোৱা শুনা যায় BTRৰ CEM প্ৰমোদ বড়োয়ে। পিছে শান্তিৰ BTRৰ কথা কৈ ফুৰা প্ৰমোদ বড়োৰ নিজৰেই নাই শান্তি। অশান্তিৰ মাজেৰে প্ৰমোদ বড়োই চলাব লগীয়া হৈছে চৰকাৰ। ভুল নুবুজিব এয়া আমি কোৱা কথা নহয়। পাঁচ বছৰে প্ৰমোদ বড়োই শান্তিত চৰকাৰ চলাব পৰা নাই বুলি অসহায় স্বীকাৰোক্তি খোদ UPPL দলৰ সাধাৰণ সম্পাদক ৰাজু নাৰ্জাৰীৰ।
২০২০ৰ নিৰ্বাচনত হাগ্ৰামা মহিলাৰীৰ ১৭ বছৰীয়া শাসনৰ অন্ত পেলাবলৈ নিৰ্বাচনৰ পাছত চল বল প্ৰয়োগ কৰি BJPয়ে প্ৰমোদ বড়োৰ নেতৃত্বাধীন UPPLক ক্ষমতাৰ খোৱাদ দিলে যদিও প্ৰমোদ বড়োক চাবি দিয়া পুতলাৰ দৰে BJPয়ে ব্যৱহাৰ কৰা বুলি উত্থাপিত হৈ অহা অভিযোগক ১০০%ই সত্য বুলি এই মন্তব্যৰ জৰিয়তে মোহৰ লগাই UPPL দলৰ শীৰ্ষ নেতা ৰাজু নাৰ্জাৰীয়ে। ৰাজু নাৰ্জাৰীয়ে কৰা এই বিস্ফোৰক মন্তব্য কৰাৰ লগতে দাবী কৰে যে, BJPয়ে BTRত হিন্দু মুছলমান ৰাজনীতি কৰিব বিচাৰিছে BTRত আকৌ অশান্তি কৰিব বিচাৰিছে BJPয়ে !
UPPLৰ সাধাৰণ সম্পাদক ৰাজু নাৰ্জাৰীৰ এই মন্তব্য ৰ পাছত এটা কথা প্ৰায় স্পষ্ট যে আত্ম সন্মান আৰু স্বাভিমান বন্ধকত থৈ BJPৰে মিত্ৰতাৰ চৰকাৰ চলাব লগীয়া হৈছিল প্ৰমোদ বড়োই। তেনেস্থলত শেহতীয়া পৰিস্থিতিত মিত্ৰতা ভংগৰ কেৱল যেন অনুষ্ঠানিকতাহে বাকী। যিকোনো মুহূৰ্তত ভংগ হব পাৰে UPPL BJPৰ মিত্ৰতা। উল্লেখযোগ্য যে, BJPয়েও UPPLৰ প্ৰতি দুবাৰ বন্ধ ৰাখি BPFক আদৰাৰ দি আহিছে ইংগিত। তেনেস্থলত অনাগত দিনত BTRৰ ৰাজনীতি কোন দিশে গতি লয় সেয়া হব লক্ষণীয়।
