উৰিয়ামঘাটৰ সীমান্তত সাজু হৈ কৰা হৈছে শ শ JCB। ২৯ জুলাইত ৰাজ্যৰ বন বিভাগে কৰিব উচ্ছেদ। উচ্ছেদৰ পূৰ্বে তৎপৰ আৰক্ষী আৰু বন বিভাগ। ২৯ জুলাইৰ আগতেই সীমান্ত অঞ্চল পৰা সন্দেহজনক লোকসকল আঁতৰি যাবলৈ শেষ সকিয়নী দিলে প্ৰশাসনে ।
ইতিমধ্যে সৰুপথাৰৰ উৰিয়ামঘাটত শাৰী শাৰীকৈ শ শ JCB, বুলড'জাৰ সাজু কৰি ৰখা হৈছে। উচ্ছেদৰ বাবে মোতায়েন কৰা হৈছে আৰক্ষী, অৰ্ধসাময়িক বাহিনী ।
মুখ্যমন্ত্ৰী ড০ হিমন্ত বিশ্ব শৰ্মাই উৰিয়ামঘাটত সন্দেহযুক্ত নাগৰিকে হাজাৰ হাজাৰ বিঘা মাটিত তামোল খেতি কৰা বিষয়টো উত্থাপন কৰি উচ্ছেদৰ সকিয়নী প্ৰদান কৰিছিল। হোজাই, নগাঁৱৰ পৰা গৈ উৰিয়ামঘাটত শ শ বিঘা মাটি দখল কৰিছিল একাংশই। মুখ্যমন্ত্ৰীয়ে উচ্ছেদৰ কথা ঘোষণা কৰাৰ পিছতেই টালি-টোপোলা বান্ধি উৰিয়ামঘাট এৰি পলায়ন কৰিছে বহুলোকে। ২৯ জুলাইত উৰিয়ামঘাটৰ সীমান্তৰ বেদখলকৃত অঞ্চল উচ্ছেদ কৰিব প্ৰশাসনে। ইতিমধ্যে উচ্ছেদিত অঞ্চলটোলৈ প্ৰশাসনে প্ৰেৰণ কৰিছিল জাননী। উচ্ছেদকলৈ ৰাজ্যৰ ৰাজনীতি উত্তাল হৈ থকাৰ মাজতেই ২৯ জুলাইৰ বাবে সাজু হৈছে বন বিভাগ, আৰক্ষী প্ৰশাসন।
