বিটিচি নিৰ্বাচনৰ প্ৰাক মুহূৰ্তত প্ৰতিটো দলে নিজক শক্তি প্ৰদৰ্শনৰ চেষ্টা অব্যাহত ৰাখিছে। ভেৰগাঁৱৰ ডিমাকুছিত বিপিএফৰ ৰণডংকা। ভেৰগাঁও পৰিষদীয় সমষ্টি পুনৰ নিজৰ দখললৈ আনিবলৈ ককালত টঙালি বান্ধিছে বিপিএফে ।ভেৰগাঁৱত বিপিএফৰ এক যোগদান সভাত বিজেপি , ইউ পি পি এলকে ধৰি বিভিন্ন দল সংগঠনৰ ছয় শতাধিক লোকে আনুষ্ঠানিকভাবে বিপিএফ দলত যোগদান কৰে ৷ নতুন সদস্য সকলক বিপিএফলৈ আদৰণি জনাই বিধায়ক দুৰ্গাদাস বড়োই এইবাৰ বিটিচিত বিপিএফৰ চৰকাৰ হোৱাটো এশ শতাংশই নিশ্চিত বুলি দাবী কৰে ৷ পাঁচ বছৰে ইউ পি পিএলে কেৱল ফাঁকি দিয়েই পাৰ কৰিলে বুলি অভিযোগ কৰাৰ লগতে এইবাৰ ইউ পি পি এলৰ বিদায় নিশ্চিত বুলি দাবী কৰে ৷
সহস্ৰাধিক ৰাইজৰ উপস্থিতিত অনুষ্ঠিত বিশাল যোগদান সভাত উপস্থিত থাকি বিপিএফ নেতা বিক্ৰম দৈমাৰীয়ে এইবাৰ বিটিচিত 'ন’পদুম ফুল , ন’টেক্টৰ অনলি নাঙল' বুলি তাৎপৰ্যপূৰ্ণ মন্তব্য কৰে ৷ পাঁচ বছৰত ইউ পি পি এল চৰকাৰে নতুনকৈ এটা পথো নিৰ্মাণ কৰিব নোৱাৰিলে বুলি অভিযোগ তুলি বিক্ৰম দৈমাৰীয়ে কয় যে পাঁচ বছৰে ইউ পি পি এল চৰকাৰে পুৰণি পথ মেৰামতি কৰিয়ে সময় পাৰ কৰাৰ অভিযোগ তোলে । আজিৰ যোগদান সভাত বিপিএফৰ সাংগঠনিক সম্পাদিকা লতা তিৰু লাক্ৰা , যুৱ বিপিএফৰ উপ সভাপতি কাষ্টম বসুমতাৰী , প্ৰাক্তন বিধায়িকা কমলী বসুমতাৰী প্ৰমুখ্যে বহু সংখ্যক দলীয় নেতা কৰ্মী উপস্থিত থাকে।
