বিটিআৰৰ নিৰ্বাচনৰ পূৰ্ৱে আৰম্ভ হৈছে এতিয়া বোকা ছটিওৱাৰ ৰাজনীতি। "ফেঁটী সাপক বিশ্বাস কৰিব পাৰি, হাগ্ৰামা মহিলাৰিক বিশ্বাস কৰিব নোৱাৰি", এই মন্তব্য ইউ পি পি এল দলৰ বিটিচিৰ কাৰ্যবাহী সদস্য ৰঞ্জিত বসুমতাৰীৰ । "ইউ পি পি এল আৰু বি পি এফ দলৰ মিত্ৰতাক লৈ প্ৰতিক্ৰিয়া ব্যক্ত কৰে ৰঞ্জিত বসুমতাৰী ওৰফে ফেৰেঙ্গাই ।
ইউ পি পি এল আৰু বি পি এফ দলৰ মিত্ৰতাৰ বাবে বি পি এফ দলৰ ৯০ শতাংশ নেতাই মিত্ৰতা বিচাৰিছে । কিন্তু হাগ্ৰামা মহিলাৰীয়ে বিচৰা নাই । কাৰণ প্ৰমোদ বড়ো প্ৰথমে হাগ্ৰামা মহিলাৰিক মিত্ৰতাৰ প্ৰস্তাৱ দিছিল, কিন্তু হাগ্ৰামাই সেই প্ৰস্তাৱক ভাওনা হিচাপে লৈছিল । এতিয়া হাগ্ৰামাই ইউ পি পি এলৰ লগত মিত্ৰতা কৰিব বিচাৰিছে, কিন্তু হাগ্ৰামা মহিলাৰীয়ে মুখৰ কথাত আমি মান্তি নহয় । হাগ্ৰামা মহিলাৰীয়ে যদি ইউ পি পি এলৰ লগত মিত্ৰতা কৰিব বিচাৰিছে তেন্তে পত্ৰ যোগে অৰ্থাৎ লিখিত ভাবে জনাব লাগিব । কাৰণ হাগ্ৰামা মহিলাৰিক বিশ্বাস কৰিব নোৱাৰি । এইবাৰ নিৰ্বাচনত বি পি এফ দলে মাত্ৰ দুখন আসন পাব । লগতে ইউ পি পি এল দলৰ বিটিচিৰ কাৰ্যবাহী সদস্য ৰঞ্জিত বসুমতাৰীয়ে কয় যে, যদি সঁচাকৈ বিদেশীক উচ্ছেদ কৰি আছে তাতে আমাৰ কবলগীয়া একো নাই, কিন্তু উচ্ছেদৰ নামত প্ৰকৃত ভাৰতীয়ক হাৰাশাস্তি আমি সহ্য নকৰো" ।
আনহাতে ইউ পি পি এল নেতা খাম্ফা বৰগোৱাৰী কয় যে, "ভাল কামৰ বাবে কোনো সময় নালাগে, আমি ইউ পি পি এল দল সদায় প্ৰস্তুত মিত্ৰতাৰ বাবে । যদি হাগ্ৰামা মহিলাৰীয়ে যদি আগুৱাই আহে তেন্তে এতিয়াও সময় আছে, মিত্ৰতা কৰা সম্ভৱ, যিকোনো মুহূৰ্ততে হব পাৰে মিত্ৰতা"।
তামাৰহাটৰ কুৰ্শাকাটিত ইউ পি প এলৰ মহিলা সজাগতা সভাত উপস্থিত থাকি এনেদৰে মন্তব্য কৰে নেতা দুগৰাকীয়ে । এই সভাখনতেই দুই শতাধিক মহিলাই ইউ পি পি এল দলত যোগদান কৰে ।
