শিৱসাগৰৰ আমগুৰি আৰক্ষী থানাৰ পৰিদৰ্শক বিষয়াৰ বিৰুদ্ধে দাদাগিৰী কৰাৰ গুৰুতৰ অভিযোগ উত্থাপন হৈছে । আৰক্ষী বিষয়া অৰ্পণ শইকীয়াই পিতৃৰ সন্মুখতে জীয়ৰীৰ সৈতে কৰিলে অশালীন ব্যৱহাৰ। কেৱল ইমানেই নহয় পিতৃকো অপদস্থ কৰাৰ অভিযোগ উঠিছে আৰক্ষী বিষয়াজনৰ বিৰুদ্ধে। সুৰাৰ ৰাগীত মাতালহৈ অৰ্পণ শইকীয়াই পিতৃৰ সন্মূখতেই যুৱতীগৰাকীক অশালীন ব্যৱহাৰ কৰাৰ অভিযোগ উত্থাপন হৈছে। পিতৃৰ সৈতে নাটক উপভোগ কৰি ঘৰলৈ ঘূৰি অহাৰ সময়ত অসামৰিক পোছাক পৰিধান কৰি থকা অৱস্থাত গাড়ী ৰখাই পিতৃ কন্যাৰ সৈতে অভব্য আচৰণ কৰাৰ বুলি অভিযোগ উত্থান হৈছে আমগুৰি আৰক্ষী থানাৰ পৰিদৰ্শক বিষয়াৰ বিৰুদ্ধে ।
আনহাতে উচ্চ বাক্য প্ৰয়োগ কৰিও ৰাস্তাত ৰৈ থকা যুৱকৰ সৈতে কাজিয়াত লিপ্ত হয় আৰক্ষী বিষয়াগৰাকী। সুৰাৰ ৰাগীত মাতাল হৈ থকা আৰক্ষী বিষয়গৰাকীক ঘটনাস্থলীৰ পৰা আন এটা আৰক্ষী দলে আঁতৰাই লৈ যায়। ঘটনা সন্দৰ্ভত ইতিমধ্যে এজাহাৰ দাখিল কৰিছে ভুক্তভোগী পৰিয়ালটোৱে। কাজিয়াৰ সময়ত আৰক্ষী বিষয়াজনৰ পৰি যোৱা সোণৰ চেইন কিশোৰী গৰাকীৰ মাতৃ আৰু বৰমাকে ঘুৰাবলৈ যাওঁতে ওৰে নিশা থানাত বহুৱাই থোৱাৰো অভিযোগ তুলিছে ভুক্তভোগী পৰিয়ালে।
