ভাৰতীয় সেনাত চেল্যুট এক সন্মানৰ প্ৰতীক। চেল্যুট দি এজনে আন এজনৰ প্ৰতি নিয়ম অনুযায়ী সন্মান প্ৰদৰ্শন কৰে। সেনাৰ লগতে অৰ্ধসামৰিক বাহিনী আৰু আৰক্ষী বাহিনীয়েও চেল্যুট দি সন্মান প্ৰদৰ্শন কৰে।
কিন্তু ভাৰতীয় সেনাৰ চেল্যুটত আছে কিছু অৰ্থ। ভাৰতীয় তিনি সেনা অৰ্থাৎ নৌসেনা, বায়ুসেনা আৰু স্থলসেনাৰ চেল্যুট দিয়া শৈলী সম্পূৰ্ণ পৃথক। তিনি সেনাই তিনি পৃথক শৈলীৰে চেল্যুট দিয়ে।
১) ভাৰতীয় স্থলসেনা :- ভাৰতীয় স্থলসেনাই চেল্যুট দিয়াৰ সময়ত হাতখন চিধা হৈ থকে। হাতৰ সম্পূৰ্ণ তলুৱা সন্মুখৰ ফালে থাকে। ভাৰতীয় স্থলসেনাই এনেদৰে চেল্যুট দি সন্মান প্ৰদৰ্শন কৰে।
২) ভাৰতীয় বায়ুসেনা :- ভাৰতীয় বায়ুসেনাই চেল্যুট দিয়াৰ সময়ত হাতৰ তলুৱা তলৰ ফালে থাকে। চেল্যুট দিয়াৰ সময়ত বিমানত থকা উইংছৰ দৰে হৈ পৰে বায়ুসেনাৰ জোৱান আৰু বিষয়ববীয়াৰ হাত। ইয়াৰ অৰ্থ হৈছে "আমি দেশ মাতৃৰ হকে আকাশত উৰিবলৈ সাজু"।
৩) ভাৰতীয় নৌসেনা :- ভাৰতীয় নৌসেনাৰ চেল্যুট সম্পূৰ্ণ ওলোটা। হাতখন ওলোটাই চেল্যুট দিয়ে নৌসেনাৰ জোৱান আৰু বিষয়ববীয়াই। ভাৰতীয় নৌসেনাৰ চেল্যুটত সদায় হাতৰ তলুৱা লুকুৱাই ৰখা হয়। ইয়াৰ প্ৰধান কাৰণ হৈছে, নৌবাহিনীৰ জোৱান সকল সৰহসংখ্যক সময় সাগৰৰ মাজত জাহাজতে থাকে, আৰু জাহাজৰ মেচিনৰ তেল, গ্ৰীচ, ইঞ্জিনৰ ইন্ধন আদি নৌসেনাৰ জোৱানৰ হাতৰ তলুৱা আৰু আঙুলিত প্ৰায়ভাগেই লাগি থাকে। সেইবাবে ভাৰতীয় নৌসেনাই চেল্যুট দিয়াৰ সময়ত লেতেৰা হাত নেদেখুৱালৈ হাতখন ওলোটাই হাতৰ তলুৱা লুকুৱাই চেল্যুট দি সন্মান প্ৰদৰ্শন কৰে।
মাচুম চৌধুৰী, NewzNow
