'মিঞা লেণ্ড' গঠনৰ দাবী উত্থাপিত কৰা উচ্ছেদিতক শেষ সকিয়নি দিলে মন্ত্ৰী পীযূষ হাজৰিকাই। অসমত 'মিঞা লেণ্ড' কেতিয়াও হ'বই নোৱাৰে আৰু এই দাবী উত্থাপিত কৰাটোও গৰ্হিত কাম বুলি মন্তব্য কৰিলে মন্ত্ৰী পীযূষ হাজৰিকাই।
উল্লেখ্য যে, অসমক দুভাগ কৰি 'মিঞা লেণ্ড' গঠনৰ দাবী উত্থাপিত হৈছিল উজনি অসমত। ৰাজ্যজুৰি উচ্ছেদ অভিযান অব্যাহত থকাৰ মাজতেই ৰেংমা বনাঞ্চলৰ একাংশ উচ্ছেদিতই দাবী কৰিছিল 'মিঞা লেণ্ড'ৰ। 'মিঞা লেণ্ড'ৰ দাবী উত্থাপিত হোৱাৰ পাছতেই উৰিয়ামঘাটত প্ৰতিবাদ সাব্যস্ত কৰিছিল জাতীয় দল সংগঠনে।
'মিঞা লেণ্ড'ৰ সন্দৰ্ভত প্ৰতিক্ৰিয়া ব্যক্ত কৰি মন্ত্ৰী পীযূষ হাজৰিকাই কয় যে, অসম কেৱল অসমীয়া হৈ থাকিব আৰু 'মিঞা লেণ্ড'ৰ দাবী কেতিয়াও সত্যত পৰিণত হ'বই নোৱাৰে বুলি ধমক দিলে মন্ত্ৰী পীযূষ হাজৰিকাই। 'মিঞা লেণ্ড'ৰ দাবী উত্থাপিত কৰি যদি কোনোবাই সীমা অতিক্ৰম কৰে তেন্তে সেইসকলৰ বিৰুদ্ধে চৰকাৰে কঠোৰ ব্যৱস্থা ল'ব বুলিও মন্তব্য কৰে মন্ত্ৰী পীযূষ হাজৰিকাই।
বুধবাৰে উৰিয়ামঘাটৰ ৰেংমা বনাঞ্চলৰ উচ্চেদিত সন্দেহযুক্ত লোকে দাবী কৰিছিল 'মিঞা লেণ্ড'। তেঁওলোকৰ দাবী -''বড়ো মানুহে যদি বড়োলেণ্ডৰ দাবী কৰিব পাৰে তেনেহলে মিঞা মানুহেও 'মিঞালেণ্ড'ৰ দাবী কৰিব পাৰে''। অসমত ১ কোটি ৪০ লাখ মিঞা মানুহ আছে বুলি দাবী কৰে উৰিয়ামঘাটৰ উচ্ছেদিত মিঞাই। কেৱল সেয়াই নহয় 'মিঞা লেণ্ড'ৰ দাবীত দিছপুৰ কঁপোৱাৰ হুংকাৰ দিছিল উৰিয়ামঘাটৰ উচ্ছেদিত মিঞাই। মানে অসম আক্ৰমণ কৰি অসমীয়া মানুহক কচু কটা দি কাটিছিল বুলি দাবী কৰি উৰিয়ামঘাৰ উচ্ছেদিত মিঞাই শীঘ্ৰেই অসমত মিঞা স্বায়ত্ব শাসিত পৰিষদ গঠনৰ দাবীত জংগী আন্দোলন কৰাৰ হুংকাৰ দিছিল ।
