উৰিয়ামঘাটৰ পিছত এইবাৰ গুৱাহাটীত চলিব উচ্ছেদ অভিযান। বৃহস্পতিবাৰে কেবিনেট সিদ্ধানৰ পিছতেই তত্পৰ হৈ পৰিছে প্ৰশাসন। মুখ্যমন্ত্ৰীয়ে কেবিনেট বৈঠকৰ পিছতেই ঘোষণা কৰিছিল যে, গুৱাহাটী মহানগৰীৰ অত্যাধীক বোজা কমাবলৈ গুৱাহাটীৰ সংৰক্ষিত বনাঞ্চলত শীঘ্ৰে চলাব উচ্ছেদ। খিলঞ্জীয়া লোকক আশ্বাস প্ৰদান কৰি মুখ্যমন্ত্ৰীয়ে কয় যে ভয় খোৱাৰ কাৰণ নাই, জনগাঁথনি পৰিৱৰ্তন কৰা সন্দেহযুক্ত নাগৰিককহে চলোৱা হ'ব উচ্ছেদ।
গুৱাহাটীৰ সংৰক্ষিত বনাঞ্চলত থকা অবৈধ লোকৰ বিৰুদ্ধে সস্তম হৈ পৰিছে বন বিভাগ। বান্ধি দিয়া হৈছে ৭ দিনৰ সময়, সাজু কৰা হৈছে বুলড'জাৰ। ফটাশিল সংৰক্ষিত বনাঞ্চলৰ অবৈধ দখলত চলিব উচ্ছেদ।
ইতিমধ্যে ফটাশিল সংৰক্ষিত বনাঞ্চলত ঘৰে ঘৰে গৈ জাৰি কৰা হৈছে জাননী। ৭ দিনৰ ভিতৰত বনাঞ্চল ত্যাগ কৰিবলৈ অবৈধ দখলকাৰীলৈ জাননী । আঞ্চলিক বন বিষয়াৰ কাৰ্যালয়ে জাৰি কৰিছে জাননী। ৭ দিনৰ ভিতৰত ঘৰ খালি নকৰিলে ভাঙি পেলোৱা হ'ব বেদখলকাৰীৰ ঘৰ। বান্ধি দিয়া গৈছে সময়সীমা, উচ্ছেদৰ পূৰ্ৱে খালী নকৰিলে ক্ষয়-ক্ষতিৰ বাবে জগৰীয়া নহয় বনবিভাগ।
জাননী লাভ কৰাৰ পিছতেই হাহাকাৰ লাগিছে বেদখলকাৰীৰ মাজত।
