এইবাৰ অভিনেত্ৰী নন্দিনী কাশ্যপৰ সৈতে নাম সাঙোৰ খাইছে USTMৰ স্বত্বাধিকাৰী মহববুল হকৰ নাম। নন্দিনী কাশ্যপক মহববুল হকে ৰক্ষণাবেক্ষণ দিব বিচৰাৰ অভিযোগ উত্থাপন হৈছে। নন্দিনীৰ হৈ ছামিউলৰ পৰিয়ালক ৫ লাখ টকা দিব বিচৰাৰ অভিযোগ মহববুল হকৰ বিৰুদ্ধে। সংবাদমেল সম্বোধন কৰি এই বিস্ফোৰণ ঘটালে ছামিউল হকৰ পৰিয়ালৰ লোকে ।
USTMলৈ মাতি নি মহববুল হকে ছামিউলৰ পৰিয়ালক ৫ লাখ টকা যাঁচিছিল বুলি অভিযোগ ছামিউল হকৰ পৰিয়ালৰ। তিনিটা কিস্তিত ধন দিয়াৰ প্ৰতিশ্ৰুতি দিয়াৰ অভিযোগ পৰিয়ালৰ লোকৰ । ছামিউল হকৰ পৰিয়ালৰ এই সংবাদমেলে ৰাজ্যজুৰি লগাইছে তোলপাৰ।
উল্লেখযোগ্য যে,বুধবাৰে নিশা গ্ৰেপ্তাৰ হৈছিল অভিনেত্ৰী নন্দিনী কাশ্যপ। ১ আগষ্টত আদালতত হাজিৰ কৰিব লাগিব অভিনেত্ৰী গৰাকীক। বিগত ২৫ জুলাইত নন্দিনীয়ে খুন্দিয়াই থৈ যোৱা যুৱক ছামিউল হকৰ মৃত্যুৰ পাছতেই এটাৰ পিছত আন এটা অবিযোগ উত্থাপন হৈছে।
