প্ৰশাসনৰ উচ্ছেদত স্থগিতাদেশ গুৱাহাটী উচ্চ ন্যায়ালয়ৰ। ন্যায়ালয়ৰ নিৰ্দেশ- উচ্ছেদ চলাব নোৱাৰিব বন বিভাগে। । ১ হাজাৰ পৰিয়াললৈ সাময়িক সকাহ দিলে গুৱাহাটী উচ্চ ন্যায়ালয়ে।
মহানগৰীৰ মালিগাঁৱৰ কালাপানী পাহাৰৰ সম্ভাৱ্য উচ্ছেদক স্থগিতাদেশ উচ্চ ন্যায়ালয়ৰ। উচ্ছেদৰ বিৰুদ্ধে গুৱাহাটী উচ্চ ন্যায়ালয়ৰ কাষ চাপিছিল উচ্ছেদৰ সন্মূখীন হ'বলগীয়া হাজাৰৰো অধিক পৰিয়ালে ।
অঞ্চলটো ৰাজহ গাঁও নে বনভূমি ন্যায়ালয়ত চৰকাৰে স্পষ্ট কৰিব নোৱাৰাৰ বাবে উচ্ছেদত স্থগিতাদেশ প্ৰদান কৰে ন্যায়ালয়ে। ১১ আগষ্টত ৰাজ্য চৰকাৰে বিতং তথ্য শপতনামা যোগে দাখিল কৰিব লাগিব ন্যায়ালয়ত। গতিকে ১১ আগষ্ট পৰ্যন্ত বন বিভাগে উচ্ছেদ চলাব নোৱাৰিব মালিগাঁৱৰ কালাপানী পাহাৰত।
উল্লেখ্য যে মুখ্যমন্ত্ৰী হিমন্ত বিশ্ব শৰ্মাই বৃহস্পতিবাৰে মহানগৰীৰ বনাঞ্চলসমূহত থকা অবৈধ বেদখল উচ্ছেদ কৰা হব বুলি ঘোষণা কৰিছিল। ইতিমধ্যে মহানগৰীৰ বিভিন্ন অঞ্চলত বন বিভাগে উচ্ছেদৰ জাননী জাৰি কৰিছিল। মহানগৰীৰ মালিগাঁৱৰ কালাপানী পাহাৰতো উচ্ছদৰ কুচকাৱাজ আৰম্ভ হৈছিল। সম্ভাৱ্য উচ্ছেদৰ সন্মূখীন হ'ব লগা ১০০০ পৰিয়ালে কাষ চাপিছিল গুৱাহাটী উচ্চ ন্যায়ালয়ৰ।
