ব'ল বম যাত্ৰাত অংশগ্ৰহণ কৰিবলৈ গৈ জীৱন শেষ হৈ গ'ল বেলতলাৰ ১৬ বছৰীয়া বিপ্লৱ পালৰ। দেওবাৰে ব'ল বমত বশিষ্ঠলৈ যোৱাৰ পথতেই একাংশ স্বেচ্ছাসেৱকে হত্যা কৰিলে বিপ্লৱ পালক। ব'ল বমত ক'লা ৰঙৰ বস্ত্ৰ পৰিধান কৰি যোৱাৰ বাবেই ১৬ বছৰীয়া বিপ্লাৱক হত্যা কৰাৰ অভিযোগ উত্থাপিত হৈছে। কিছু শাৰিৰীক অসুস্থতাৰ বাবে ক'লা জেকেট পৰিধান কৰি ব'ল বম যাত্রাত অংশগ্ৰহণ কৰিছিল বিপ্লৱ পালে।
মাতৃ-পিতৃৰ মৃত্যুৰ পাছত বেলতলাত ককাক আৰু আইতাৰ সৈতে আছিল ১৬ বছৰীয়া বিপ্লৱ পাল। স্বেচ্ছাসেৱীৰ প্ৰহাৰত আঘাতপ্ৰাপ্ত বিপ্লৱ পালক GMCH ত ভৰ্তি কৰোৱা হৈছিল যদিও প্ৰাণ ৰক্ষা কৰিব পৰা নগ'ল বিপ্লৱৰ। গুৱাহাটীৰ এখন টাইলছৰ দোকানত কাম কৰি ককাক-আইতাৰ সৈতে জীৱন নিৰ্বাহ কৰিছিল বিপ্লৱে। বিপ্লৱ পালৰ মৃত্যুৰ খবৰ লাভ কৰাৰ পাছতেই চৰমপন্থা গ্ৰহণ কৰিছে প্ৰেমিকা অগ্নি বিশ্বাসে। বিপ্লৱৰ প্ৰেমিকাৰ অগ্নি বিশ্বাসৰ ঘৰ হৈছে বিজনীত।
উল্লেখযোগ্য যে,মঙলবাৰে মৃত্যু হৈছিল বিপ্লৱ পালৰ প্ৰেমিকা অগ্নি বিশ্বাসৰ পিতৃৰ। বিপ্লৱ পালৰ হত্যাৰ সন্দৰ্ভত পৰিয়ালৰ লোকে বশিষ্ঠ আৰক্ষী থানাত ৰুজু হৈছে গোচৰ। ঘটনাৰ সন্দৰ্ভত বশিষ্ঠ আৰক্ষীয়ে তদন্ত আৰম্ভ কৰিছে যদিও গ্ৰেপ্তাৰ হোৱা বিল্পৱৰ হত্যাকাৰী।
