আৰক্ষীৰ সৈতে হতাহতিত লিপ্ত হৈ ৰঙাঘৰৰ আলহী হ'ল দুই মাতাল যুৱক

আৰক্ষীৰ সৈতে হতাহতিত লিপ্ত হৈ ৰঙাঘৰৰ আলহী হ'ল দুই মাতাল যুৱক। মৰাণৰ দিখাৰীত ৩৭ নং ৰাষ্ট্ৰীয় ঘাইপথৰ কাষত অৱস্থিত দিহিং ধাবাত শুক্ৰবাৰে নিশা দুই ভাতৃ সমুজ্জ্বল গগৈ আৰু পৰাগ গগৈয়ে  সুৰাপান কৰি হুলস্থূলীয়া পৰিৱেশৰ সৃষ্টি কৰে। আৰক্ষীক অশ্লীল ভাষাৰে গালি-গালাজ কৰাৰ লগতে মৰাণ ভাৰপ্ৰাপ্ত আৰক্ষী বিষয়াগৰাকীক আক্ৰমণ কৰে মাতাল ভাতৃদ্বয়ে। পিছত দুয়োকে গ্ৰেপ্তাৰ কৰে মৰাণ আৰক্ষীয়ে ৷ আজি যুৱক দুজনৰ বিৰুদ্ধে দিহিং ধাবাৰ মালিকে দাখিল কৰা এজাহাৰৰ ভিত্তিত ৮৫/২০২৫ নম্বৰৰ গোচৰত ৬১(২)bns, ৩২৯(৪), ৩০৫(৫), ১০৯(১), ১১৮(২) ৩২৪(২), ৩(৫) ধাৰাত আৰু আৰক্ষীয়ে নিজাববীয়াকৈ তৰা ৮৬/২০২৫ নম্বৰৰ গোচৰত  ২৯৬, ১৩২, ১১৮(২), ৩৫৬(২), ৩০৪(২) ধাৰাৰ অধীনত যুৱক দুজনক জেল হাজোতলৈ প্ৰেৰণ কৰে ৷ এই ঘটনাই মৰাণত তীব্ৰ চাঞ্চল্যৰ সৃষ্টি কৰিছে ৷