চৰকাৰৰ পৰা কিমান টকালৈ মিঞাখেদা আন্দোলন কৰি আছে শৃংখল চলিহাই? বীৰ লাচিত সেনাৰ নেতা শৃংখল চলিহালৈ এই প্ৰশ্নবাণ অসম সেনাৰ মুখ্য সেনাধ্যক্ষ অমৰ বৰুৱাৰ। বিজেপিৰ শ্ৰুতলিপিত শৃংখল চলিহাই উজনি অশান্ত কৰাৰ চেষ্টা কৰাৰ অভিযোগ অসম সেনাৰ।
'চলিহা উপাধিৰ কোনো মানুহ আহোম সম্প্ৰদায়ৰ নহয় আৰু নাছিল!'
'গতিকে অনা-আহোমে হেংডাঙৰ নাম ল'লে আমাৰ গাতো উতলি উঠে!'আহোমৰ হেংদাঙখনৰ মহত্ব বুজিবলৈ চলিহা পৰিয়ালে ১০০ টা জনম ল'ব লাগিব!'
শনিবাৰে যোৰহাটত অনুষ্ঠিত নাগৰিক সভাত শৃংখলৰ বিৰুদ্ধে এইদৰেই সৰৱ হ'ল অসম সেনাৰ মুখ্য সেনাধ্যক্ষ অমৰ বৰুৱা। মিঞা খেদা আন্দোলনৰ নামত উজনি অসমত সৃষ্টি হোৱা পৰিৱেশটো মুখ্যমন্ত্ৰীৰে সৃষ্টি বুলি অভিযোগ অসম সেনাৰ । মুখ্যমন্ত্ৰী গৰাকীয়ে অসমত সাম্প্ৰদায়িক পৰিৱেশ সৃষ্টি কৰিবলৈ উচতনি দিয়া বুলি অভিযোগ অসম সেনাৰ মুখ্য সেনাধ্যক্ষ অমৰ বৰুৱাৰ।
অসমৰ প্ৰতিজন নাগৰিকে মুখ্যমন্ত্ৰী হিমন্ত বিশ্ব শৰ্মাৰ ওপৰত গোচৰ দিব লাগে বুলি চাঞ্চল্যকৰ মন্তব্য কৰে অমৰ বৰুৱাই। শৃংখল চলিহা চৰকাৰৰ এজেন্ট কাৰণে বিষবাষ্প বিয়পোৱাৰ পাছতো আৰক্ষীয়ে গ্ৰেপ্তাৰ কৰা নাই বুলি দাবী কৰিলে অমৰ বৰুৱাই।
