মহানগৰীৰ পানীখাইতিস্থিত অসম ডাউন টাউন বিশ্ববিদ্যালয়ত মঙ্গলবাৰৰ পৰা মুকলি কৰা হয় এটি অনলাইন পাঠ্যক্ৰম । ২০২৫-২৬ শিক্ষা বর্ষৰ পৰা মুকলি কৰা হয় এই অনলাইন পাঠ্যক্ৰমৰ।
বিশ্ববিদ্যালয়খনত BBA আৰু MBA ৰ নিয়মীয়া পাঠ্যক্ৰমৰ লগতে মঙ্গলবাৰৰ পৰা বিশ্ববিদ্যালয় খনে মুকলি কৰে BBA আৰু MBA ৰ সম্পূর্ণ অনলাইন পদ্ধতিত পাঠ্যক্ৰম। এই পদ্ধতিত উচ্চ শিক্ষা লব বিচৰা ছাত্র-ছাত্ৰীয়ে অনলাইনৰ জৰিয়তে নামভৰ্তি কৰাৰ লগতে অনলাইন মাধ্যমৰ জৰিয়তে পৰীক্ষাও প্ৰদান কৰিব পাৰিব।
ৰাজ্যৰ ব্যক্তিগত খণ্ডৰ আগশাৰীৰ উচ্চ শিক্ষা প্ৰতিষ্ঠান অসম ডাউন টাউন বিশ্ববিদ্যালয়ৰ এই পদক্ষেপে বিভিন্ন কৰ্মক্ষেত্ৰত থাকিও উচ্চ শিক্ষা লাভ কৰিব বিচৰা ছাত্র-ছাত্ৰীক সহায় কৰিব।
