নাগৰিকত্বকলৈ ন্যায়ালয়ৰ তৰফৰ পৰা আহিছে বৃহৎ ঘোষণা। ভোটাৰ কাৰ্ড, পেন কাৰ্ড অথবা আধাৰ কাৰ্ড থকা মানেই নহয় ভাৰতীয়। ভোটাৰ-আধাৰ-পেন কার্ডে প্ৰমাণ নকৰে কোনো লোকৰ নাগৰিকত্ব। নাগৰিকত্ব প্ৰমাণৰ বাবে আছে সাংবিধানিক প্ৰক্ৰিয়া।
এজন অবৈধ বাংলাদেশীৰ গোচৰৰ শুনানীত এই গুৰুত্বপূৰ্ণ ৰায়দান বোম্বে উচ্চ ন্যায়ালয়ৰ। বাবু আব্দুল ৰাউফ চৰ্দাৰ নামৰ এগৰাকী অবৈধ নাগৰিকৰ জামিন আবেদনৰ শুনানী গ্ৰহণ কৰি এই মন্তব্য ন্যায়ালয়ৰ ।
উল্লেখযোগ্য যে, ১০ বছৰ পূৰ্বে অবৈধ ভাৱে ভাৰতত প্ৰৱেশ কৰি বে-আইনী ভাৱে নথি পত্ৰ প্ৰস্তুত কৰি বসবাস কৰি থকাৰ অভিযোগত গ্ৰেপ্তাৰ কৰা হৈছিল আব্দুল চৰ্দাৰক। আব্দুল চৰ্দাৰে অবৈধ ভাৱে ভোটাৰ কাৰ্ড, পেন কাৰ্ড, আধাৰ কাৰ্ডৰ লগতে পাছপোৰ্ট পৰ্যন্ত সংগ্ৰহ কৰিছিল। আব্দুল চৰ্দাৰৰ জামিন নাকচ কৰি ন্যায়ালয়ে কয় নাগৰিকত্ব অধিনিয়ম, ১৯৫৫ ই ভাৰতত নাগৰিকত্ব নিৰ্ধাৰণৰ মাপকাঠী।
