জাতি-মাটি-ভেটি ৰক্ষাৰ শ্ল'গান দিয়া চৰকাৰৰ দিনতেই নিৰাপদ নহয় খিলঞ্জীয়াৰ ভূমি। এশ বিঘা,দুশ বিঘা নহয় সম্পূৰ্ণ ৩ হাজাৰ বিঘা ভূমি গতাই দিয়া হৈছে চিমেন্ট কোম্পানীক। এই বিতৰ্কিত কাণ্ড সংঘটিত হৈছে সংবিধানৰ ষষ্ঠ অনুসূচীৰ অন্তৰ্গত ডিমা হাছাও জিলাত। ডিমা হাছাওৰ ৩ হাজাৰ বিঘা ভূমি চিমেন্ট কোম্পানীক গতাই দিয়াৰ বাবে ক্ষোব্ধ গুৱাহাটী উচ্চ ন্যায়ালয়ে। ১০০ বিঘা,২০০ বিঘা ভূমি গতাই দিয়াটো বেলেগ কথা কিন্তু ৩ হাজাৰ বিঘা ভূমি চিমেন্ট কোম্পানীক গতাই দিয়াটো কেনেধৰণৰ সিদ্ধান্ত বুলি প্ৰশ্ন ন্যায়ালয়ৰ। চিমেন্ট কোম্পানীক ভূমি গতাই দিয়াৰ বাবে উচ্ছেদ চলিব পাৰে ডিমা হাছাওত। ডিমা হাচাও জিলাৰ নবদী লংকু ক্ৰু গাঁৱৰ সমীপৰ ৩ হাজাৰ ভূমি লীজত দিয়া হৈছে মহাবল নামৰ চিমেন্ট কোম্পানীক।
ডিমা হাচাও জিলাত উচ্ছেদৰ ভয়ত গুৱাহাটী উচ্চ ন্যায়ালয়ৰ দ্বাৰাস্থ হৈছিল ২২ জনকৈ জনজাতীয় লোক। আবেদনৰ শুনানি গ্ৰহণ কৰিছিল গুৱাহাটী উচ্চ ন্যায়ালয়ৰ মুখ্য ন্যায়াধীশে। চিমেন্ট কোম্পানীক ৩ হাজাৰ বিঘা ভূমি লীজত দিয়াটো ধেমালি কথা নেকি বুলি ডিমা হাছাও স্বায়ত্ত শাসিত পৰিষদক ককৰ্থনা কৰে ন্যায়ালয়ে। ডিমা হাছাওৰ ২২ গৰাকীকৈ জনজাতীয় লোকৰ আবেদনৰ শুনানি গ্ৰহণ কৰি ন্যায়ালয়ে জবাবদিহি কৰিলে স্বায়ত্ত শাসিত পৰিষদক। চিমেন্ট কোম্পানীক কি নীতিৰ আধাৰত ৩ হাজাৰ ভূমি গতাই দিয়া হ'ল বুলি ডিমা হাছাও স্বায়ত্ত শাসিত পৰিষদক প্ৰশ্ন কৰিছিল ন্যায়ালয়ে। চিমেন্ট কোম্পানীক ভূমি লীজত দিয়াৰ বাবে ডিমা হাছাও স্বায়ত্ত শাসিত পৰিষদৰ পৰা তথ্য বিচাৰিলে ন্যায়ালয়ে। ১ ছেপ্টেম্বৰৰ ভিতৰত গুৱাহাটী উচ্চ ন্যায়ালয়ত তথ্য দাখিল কৰিব লাগিব ডিমা হাছাও স্বায়ত্ত শাসিত পৰিষদে।
