গান্ধীক হত্যাকাৰী নাথুৰাম গডছেৰ বিৰুদ্ধে মন্তব্য কৰি বিপদ চপাই ললে নেকি ৰাহুল গান্ধীয়ে ?চৰম নিৰাপত্তাহীনতাত ভুগিছে দেশৰ বিৰোধী দলৰ দলপতি ৰাহুল গান্ধী। কংগ্ৰেছৰ সাংসদ ৰাহুল গান্ধীৰ জীৱনলৈ আহিছে ভাবুকি। নাম প্ৰকাশ নকৰাকৈ দুগৰাকী নেতাই ধমকি দিয়া বুলি আদালতক অৱগত কৰিলে ৰাহুল গান্ধীয়ে। বুধবাৰে পুনেৰ এখন আদালতত এই দাবী কৰিছিল ৰাহুল গান্ধীয়ে।
সাৰভাৰকাৰক সমালোচনা কৰাৰ বাবে পুনেৰ আদালতত মানহানিৰ গোচৰ চলি আছে ৰাহুল গান্ধীৰ বিৰুদ্ধে। ২০২৩ চনত লণ্ডনত সাৰভাৰকাৰে মুছলমানক প্ৰহাৰ কৰিছিল বুলি দাবী কৰিছিল কংগ্ৰেছৰ সাংসদ গৰাকীয়ে। মানহানিৰ গোচৰ ৰুজু কৰা সকল নাথুৰাম গডছেৰ বংশধৰ বুলি দাবী কৰিছিল ৰাহুল গন্ধীয়ে।
শেহতীয়াকৈ জীৱনৰ প্ৰতি ভাবুকি অহাত নিৰাপত্তাৰ দিশটো অধিক কটকটীয়া কৰিবলৈ চৰকাৰলৈ আহ্বান ৰাহুল গান্ধীৰ। ১০ ছেপ্টেম্বৰত অনুষ্ঠিত হ'ব গোচৰটোৰ পৰৱৰ্তী শুনানী। আদালতত পুনৰ হাজিৰ দিনা ৰাহুল গান্ধীৰ নিৰাপত্তাৰ দিশটো গুৰুত্ব সহকাৰে লোৱাটো ৰাজ্য চৰকাৰৰ দায়িত্ব বুলি দাবী কৰে অধিবক্তাই। শেহতীয়াকৈ ভোট চুৰিৰ প্ৰসংগৰে দেশৰ নিৰ্বাচন আয়োগৰ বিৰুদ্ধে সৰৱ হৈ আছে ৰাহুল গান্ধী।
