লখিমপুৰ বিধানসভা সমষ্টিৰ ন-কদম গাওঁ পঞ্চায়তৰ অন্তৰ্গত কুচিয়ামাৰী ৱাৰ্ডত উচ্ছেদৰ ভয়ত এতিয়া শ শ সংখ্যালঘু জনতাৰ ঢাপলি মেলিছে বিজেপিলৈ ৷৷ অলপতে, অনুষ্ঠিত এক বিশেষ অনুষ্ঠানত, ভাৰতীয় জনতা পাৰ্টীৰ নীতি-আদৰ্শত অনুপ্ৰাণিত হৈ দুই শতাধিক সংখ্যালঘু লোকে বিজেপি দলত যোগদান কৰে।
লখিমপুৰত অনুষ্ঠিত বিজেপিৰ যোগদান অনুষ্ঠানটোত উপস্থিত থাকে দলটোৰ লক্ষীমপুৰ মণ্ডল সভাপতি প্ৰফুল্ল দত্ত,সাধাৰণ সম্পাদক শিশুৰাম শইকীয়া, লক্ষীমপুৰ জিলা উপ-সভাপতি বিনন্দ ধান, ন-কদম গাওঁ পঞ্চায়তৰ সভানেত্ৰী হেমাৱতী পেগু, আঞ্চলিক পঞ্চায়তৰ সদস্যা মনি প্ৰভা গগৈ, কদম আঞ্চলিক পঞ্চায়তৰ সদস্য দীপাংকৰ গগৈ। লগতে উপস্থিত থাকে ৱাৰ্ড সদস্য, বুথ সভাপতি/সম্পাদক দলীয় কৰ্মী আৰু বহু সংখ্যক শুভাকাঙ্ক্ষী ৰাইজ।
শেহতীয়াকৈ ৰাজ্যৰ বিভিন্ন প্ৰান্তৰ বনাঞ্চলসমূহত চলিছে উচ্ছেদ অভিযান। ৰাজ্য জুৰি চলা উচ্ছেদ অভিযানৰ মাজতে শংকিত সংখ্যালঘূ ৰাইজে ভাৰতীয় জনতা পাৰ্টীৰ নীতি-আদৰ্শৰে আগবাঢ়ি যোৱাৰ ইচ্ছাৰে বিজেপি দলত যোগদান কৰিলে দুই শতাধিক সংখ্যালঘু লোকে।
