আমেৰিকাৰ উৎকোচ আৰু প্ৰবঞ্চনাৰ গোচৰত অভিযুক্ত আদানীক সুৰক্ষা দিছে নেকি মোদী চৰকাৰে? আদানীৰ উৎকোচৰ গোচৰৰ সন্দৰ্ভত ভাৰত চৰকাৰৰ বিৰুদ্ধে চাঞ্চল্যকৰ অভিযোগ আমেৰিকাৰ। গৌতম আদানীলৈ চমন দিবলৈ আমেৰিকাৰ ছিকিউৰিটিজ এণ্ড এক্সচেঞ্জ কমিছনে যোগাযোগ কৰিছিল ভাৰতৰ আইন মন্ত্ৰালয়ক। ভাৰতৰ আইন মন্ত্ৰালয়ৰ যোগে উৎকোচৰ গোচৰত গৌতম আদানীলৈ চমন জাৰি কৰিছিল আমেৰিকাৰ ছিকিউৰিটিজ এণ্ড এক্সচেঞ্জ কমিছনে। কিন্তু আমেৰিকাৰ ছিকিউৰিটিজ এণ্ড এক্সচেঞ্জ কমিছনৰ অনুৰোধৰ পাছতো আদানীক চমন জাৰি নকৰিলে ভাৰতৰ আইন মন্ত্ৰালয়ে! আদানীৰ বিৰুদ্ধে থকা গোচৰটোৰ সন্দৰ্ভত আমেৰিকাৰ আদালতত এই বিস্ফোৰক তথ্য সদৰী কৰিছে ছিকিউৰিটিজ এণ্ড এক্সচেঞ্জ কমিছনে
উল্লেখযোগ্য যে,গৌতম আদানীৰ লগতে তেওঁৰ ভতিজাক লৈ চমন জাৰি কৰিছিল আমেৰিকাৰ ছিকিউৰিটিজ এণ্ড এক্সচেঞ্জ কমিছনে। কিন্তু ৰহস্যজনক কাৰণত ভাৰত চৰকাৰে আমেৰিকাৰ ছিকিউৰিটিজ এণ্ড এক্সচেঞ্জ কমিছনৰ চমন প্ৰেৰণ কৰা নাই আদানীলৈ। আদানীৰ বিৰুদ্ধে ২,২৩৭ কোটি টকা উৎকোচ আৰু প্ৰবঞ্চনাৰ গোচৰৰ তদন্ত চলি আছে আমেৰিকাত। আদানী গ্ৰীণ এনাৰ্জী আৰু এজুৰ পাৱাৰৰ বিৰুদ্ধে তদন্ত অব্যাহত ৰাখিছে আমেৰিকাৰ ছিকিউৰিটিজ এণ্ড এক্সচেঞ্জ কমিছনে। বিশ্বৰ অন্যতম বৃহৎ সৌৰ শক্তি প্ৰকল্পৰ নামত বৃহৎ উৎকোচ কাণ্ড সংঘটিত কৰাৰ অভিযোগ উঠিছিল আদানি গ্ৰীণ এনাৰ্জী আৰু এজুৰ পাৱাৰৰ বিৰুদ্ধে।
উল্লেখযোগ্য যে,আমেৰিকা প্ৰশাসনে গৌতম আদানী আৰু তেওঁৰ ভতিজাকৰ জাৰি কৰিছিল গ্ৰেপ্তাৰী পৰোৱানা। সৌৰ শক্তিৰ প্ৰকল্পৰ কাম লাভ কৰিবলৈ প্ৰতিষ্ঠানসমূহে ২৫ মিলিয়ন ডলাৰৰ উৎকোচ দিয়াৰ অভিযোগ উত্থাপিত হৈছিল।
