সমাপ্ত হ'ল দুই ৰাষ্ট্ৰপতিৰ মাজত অনুষ্ঠিত বৈঠক । তিনি ঘণ্টা ধৰি চলিল দুই শক্তিধৰ ৰাষ্ট্ৰৰ ৰাষ্ট্ৰপতি ট্ৰাম্প আৰু পুতিনৰ মাজত এই বৈঠক। এই বৈঠকক লৈ অপেক্ষেত আছিল বিশ্ববাসী। আলাস্কাত অনুষ্ঠিত হোৱা এই বৈঠক যথেষ্ঠ গুৰুত্বপূৰ্ণ বুলি বিবেচনা কৰা হৈছে। ৰাছিয়াৰ ৰাষ্ট্ৰপতিগৰাকীক আড়ম্বৰপূৰ্ণভাৱে অভ্যর্থনা জনালে আমেৰিকাৰ ৰাষ্ট্ৰপতি ট্ৰাম্পে। আলাস্কাৰ ৰেড কাৰ্পেটৰ ওপৰত পুতিনৰ সৈতে হাত মিলাই একেখন গাড়ীতেই গ'ল পুতিন-ট্ৰাম্প। এই দৃশ্যই এতিয়া হতাশ কৰি তুলিছে ইউক্ৰেনবাসীক।
উল্লেখ্য যে , ট্ৰাম্পে পূৰ্ৱে জনাইছিল, ৰাছিয়া-ইউক্ৰেইন ৰাজনৈতিক চুক্তিৰ লগতে পাৰমাণৱিক চুক্তি সম্পৰ্কেও আলোচনা কৰা হ'ব। এই দুই বিষয়কলৈ কি সিদ্ধান্তলত উপনীত হৈছে দুয়ো দেশ, সেয়া জানিবলৈ অপেক্ষা কৰিছিল সমগ্ৰ বিশ্ব ।
বৈঠকৰ পিছত ৰাছিয়াৰ প্রতিৰক্ষামন্ত্রীয়ে সাংবাদিকৰ সন্মুখত হাঁহি মুখে জনালে, বৈঠক "অসাধাৰণ" হৈছে। এইবাৰ সাংবাদিক সৈতে বৈঠক কৰিব দুই দেশৰ ৰাষ্ট্ৰপতিয়ে। কিন্তু ৰাছিয়াৰ ৰাষ্ট্ৰপতি আৰু আমেৰিকাৰ ৰাষ্ট্ৰপতিয়ে বক্তৃতা সম্পূৰ্ণ কৰিয়েই হাঁহি মুখেৰে হাত মিলাই মঞ্চ ত্যাগ কৰে । সাংবাদিকে বাৰে বাৰে প্ৰশ্ন কৰাৰ সত্ত্বেও কোনো উত্তৰ নিদিয়াকৈয়েই মঞ্চ ত্যাগ কৰিলে ট্ৰাম্প আৰু পুতিনে।
সাংবাদমেলত আমেৰিকাৰ ৰাষ্ট্ৰপতি ট্ৰাম্পে জনায় যে, বৈঠক ফলপ্ৰসূ হৈছে, নিৰ্দিষ্ট লক্ষ্যৰ দিশে আগৱাঢ়িছে। লগতে জনায় যে, ইউক্ৰেইনৰ ৰাষ্ট্ৰপতি আৰু নেটো জোটৰ সদস্যসকলৰ সৈতে এই বিষয়ে অধিক আলোচনা কৰিব। সকলো এটা চূড়ান্ত সিদ্ধান্তত উপনিত হ'ব লাগিব। টাম্পে জনায় যে , আজিৰ এই বৈঠকত ‘অসাধাৰণ অগ্ৰগতি’ঘটিলেও ‘চূড়ান্ত সিদ্ধান্তত’ উপনিত হোৱা হৈছে। কিন্তু এই আলোচনা অনুসৰি আগুৱাই যাবলৈ অধিক ‘ভাল সুযোগ’ আছে বুলি দাবী কৰে ট্রাম্প।
ইফালে সংবাদমেলত ৰাছিয়াৰ ৰাষ্ট্ৰপতি ভ্লাদিমিৰ পুতিনে দিয়া বক্তৃতাত কয় যে, 'আমেৰিকা আৰু ৰাছিয়া সাগৰে বিভক্ত কৰিলেও প্ৰতিবেশী।' আমেৰিকাক বিক্ৰি কৰাৰ আগতে ৰাছিয়াৰ অংশ আছিল আলাস্কা। যুক্ত ৰাষ্ট্ৰত ৰাছিয়ান অৰ্থডক্স গিৰ্জাৰ প্রসঙ্গ উত্থাপন কৰি তেওঁ দাবী কৰে যে, দুয়োখন দেশৰ ঐতিহ্যগত মিল আছে গতিকে দুয়োখন দেশে পৰস্পৰীযক সহযোগিতা কৰিব।
পুতিনৰ তাৎপর্যপূর্ণ মন্তব্য,‘সংঘৰ্ষৰ পৰা সংলাপলৈ যোৱাৰ সময় আহিছে।’ৰাছিয়া-ইউক্ৰেইন যুদ্ধ বন্ধ তথা স্থায়ী আৰু দীঘলীয়া সমাধানেৰ বাবে সংঘাতৰ মূল কাৰণবোৰ শেষ কৰিব লাগিব। তেওঁৰ বাৰ্তা, ‘আশা কৰা হৈছে যে ইউক্ৰেইনবাসী আৰু ৰাছিয়াবাসীয়ে কোনোও শান্তি প্ৰক্ৰিয়াত বাধাৰ সৃষ্টি নকৰে।’ তেওঁ কয় যে , ‘গঠনমূলক আলোচনা হৈছে।’ যুদ্ধ বন্ধ কৰাৰ বাবে মধ্যস্থতাকাৰী হিচাপে বিশেষ ভূমিকা গ্ৰহণ কৰাৰ বাবে ট্ৰাম্পক ধন্যবাদ জনাইছে পুতিনে।
