NDAৰ উপ-ৰাষ্ট্ৰপতি পদৰ প্ৰাৰ্থী হ’ব চি পি ৰাধাকৃষ্ণন। দেওবাৰে সংবাদমেলত ঘোষণা কৰিলে বিজেপিৰ ৰাষ্ট্ৰীয় সভাপতি জে পি নড্ডাই। উপ-ৰাষ্ট্ৰপতি পদৰ নিৰ্বাচনৰ বাবে মনোনয়ন দাখিলৰ অন্তিম তাৰিখ ২১ আগষ্ট। বিৰোধীয়ে এতিয়াও নিজৰ প্ৰাৰ্থী ঘোষণা কৰা নাই,যদি বিৰোধীয়ে নিজৰ প্ৰাৰ্থী প্ৰক্ষেপ কৰে তেন্তে ৯ ছেপ্টেম্বৰত নিৰ্বাচন অনুষ্ঠিত হ’ব নিৰ্বাচন। উপ-ৰাষ্ট্ৰপতিৰ নিৰ্বাচন অনুষ্ঠিত হ'লে লোকসভা আৰু ৰাজ্যসভাৰ সদস্যসকলক সামৰি যুঁজত এন ডি এৰ নিৰপেক্ষ সংখ্যাগৰিষ্ঠতালৈ লক্ষ্য কৰি শাসকীয় মিত্ৰজোঁটৰ প্ৰাৰ্থী চি পি ৰাধাকৃষ্ণন জয়ী হোৱাটো প্ৰায় নিশ্চিত।
পিছে কোন এই চি পি ৰাধাকৃষ্ণন? থুৰতে জানো আহক...
বৰ্তমান চন্দ্ৰপুৰম পন্নুছামী ৰাধাকৃষ্ণন ২০২৪ চনৰ পৰা মহাৰাষ্ট্ৰৰ ৰাজ্যপাল হিচাপে কাৰ্যনিৰ্বাহ কৰি আছে। ২০২৪ত মহাৰাষ্ট্ৰৰ ৰাজ্যপালৰ দায়িত্ব অৰ্পণ কৰা হৈছিল চি. পি. ৰাধাকৃষনক। উল্লেখযোগ্য যে তামিলনাডুত জন্মগ্ৰহণ কৰা চি. পি. ৰাধাকৃষন আছিল BJP দলৰ পৰা দুবাৰকৈ লোকসভাৰ সাংসদ। তামিলনাডু BJPৰ প্ৰাক্তন ৰাজ্যিক সভাপতিও আছিল চি. পি. ৰাধাকৃষন।
উল্লেখযোগ্য যে, উপ ৰাষ্ট্ৰপতি পদৰ বাবে মনোনয়ন পত্ৰ দাখিলৰ অন্তিম দিন ২১ আগষ্ট। লোকসভা আৰু ৰাজ্যসভাৰ সাংসদ সকলৰ দ্বাৰা গঠিত কলেজিয়ামে নিৰ্বাচন কৰে উপ ৰাষ্ট্ৰপতি। সম্প্ৰতি উভয় সদনত সৰ্বমুঠ ৭৮১ গৰাকী সদস্য আছে।
ইয়াৰে, ৪২২ গৰাকী সদস্যৰ সমৰ্থন থাকা NDAৰ প্ৰাৰ্থী চি. পি. ৰাধাকৃষন জয়ী হোৱাটো একপ্ৰকাৰে নিশ্চিত। উল্লেখযোগ্য যে, বর্তমানলৈ বিৰোধী INDI মিত্ৰজোঁতে ঘোষণা কৰা নাই প্ৰাৰ্থী। ইপিনে, দীৰ্ঘদিনৰ মন্ত্ৰনাৰ অন্তত চি. পি. ৰাধাকৃষনৰ নাম ঘোষণাৰে দক্ষিণৰ কিল্লা ভেদ কৰাৰ কৌশল ৰচিছে BJPয়ে। ২০২৬ত তামিলনাডুত অনুষ্ঠিত হ'ব বিধানসভাৰ নিৰ্বাচন। তেনে প্ৰেক্ষাপটত উপৰাষ্ট্ৰপতিৰ দৰে সাংবিধানিক পদত এগৰাকী তামিল ব্যক্তিক অধিষ্ঠিত কৰি ভোটাৰক আকর্ষণ কৰাৰ চেষ্টা চলাইছে BJPয়ে।
