বিজেপিৰ নেতৃত্বাধীন NDA ৰ মিত্ৰদল চন্দ্ৰবাবু নাইডুক শলঠেকত পেলাবলৈ দক্ষিণৰ পৰা প্ৰাৰ্থী প্ৰক্ষেপ কৰাৰ সম্ভাৱনা বিৰোধীয়ে । দক্ষিণৰ ৰাজ্যৰ পৰা উপ-ৰাষ্ট্ৰপতি পদৰ বাবে বিৰোধীয়ে প্ৰাৰ্থী হিচাপে প্ৰক্ষেপ কৰিব পাৰে ত্ৰিৰুচি শিৱাক।
এম কে ষ্টেলিনৰ নেতৃত্বাধীন DMK দলৰ সাংসদ ত্ৰিৰুচি শিৱাক প্ৰক্ষেপ কৰি নাইডুক শলঠেকত পেলাব বিচাৰিছে বিৰোধী ইণ্ডি এলায়েঞ্চে। সোমবাৰে অনলাইন যোগে উপ-ৰাষ্ট্ৰপতি নিৰ্বাচনৰ সন্দৰ্ভত বৈঠকত মিলিত হ'ব বিৰোধী শিবিৰ।
এই বৈঠকতে উপ-ৰাষ্ট্ৰপতি নিৰ্বাচনৰ বাবে প্ৰাৰ্থী হিচাপে নাম প্ৰস্তাৱ কৰাৰ সম্ভাৱনা আছে DMK ৰ সাংসদ গৰাকীৰ। দক্ষিণৰ ৰাজ্যৰ পৰা বিৰোধীয়ে প্ৰাৰ্থী ঘোষণা কৰিলে দক্ষিণৰ অস্মিতাৰ প্ৰতি বিৰুদ্ধাচৰণ কৰি NDA ৰ পক্ষত ভোটদান কৰিবনে TDPয়ে ?
ইতিমধ্যে উপ-ৰাষ্ট্ৰপতি নিৰ্বাচনৰ বাবে প্ৰাৰ্থীৰ নাম ঘোষণা কৰিছে শাসকীয় দল NDAয়ে। NDA ৰ প্ৰাৰ্থী গৰাকীৰ বাবে সমৰ্থন বিচাৰি কংগ্ৰেছৰ ৰাষ্ট্ৰীয় সভাপতি মল্লিকাৰ্জুন খাৰ্গেলৈ ফোন কৰিছিল ৰাজনাথ সিঙে।
