ৰাইজৰ দলে পঞ্চায়তে পঞ্চায়তে লৈ যাব নতুন অসম গঢ়াৰ পৰিকল্পনা । উজনিৰ পৰা নামনিলৈ চলিব জাতীয় জাগৰণ যাত্ৰা । শিৱসাগৰত ৰাইজৰ দলৰ নতুন সংকল্প গঢ়াৰ পণ লৈ গায়ন-বায়নেৰে ৰংঘৰৰ পৰা যাত্ৰা আৰম্ভ কৰে অখিল গগৈয়ে।
জাতীয় জাগৰণ যাত্ৰা"শীৰ্ষক যাত্ৰা আৰম্ভ কৰিলে ঐতিহাসিক ৰংঘৰৰ বাকৰিৰ পৰা ।ৰাইজৰ দলৰ সভাপতি তথা শিৱসাগৰৰ বিধায়ক অখিল গগৈয়ে ৰংঘৰত সেৱা জনাই অসমৰ থলুৱা খিলঞ্জীয়াৰ নেতৃত্বত অসম গঢ়াৰ লগতে বিদেশীৰ স্থায়ী সমাধানৰ দাবী জনাই।
ৰাইজৰ দলে সমাগত নিৰ্বাচনত আশানুৰূপ ফল লাভ কৰিলে অসমীয়া জাতিক এটা পেশাদাৰী জাতি হিচাপে গঢ়ি তুলিব বুলি বদ্ধ পৰিকৰ হয় ।
২০২৬ ৰ নিৰ্বাচনলৈ মাজত কেইটামান মাহ থকাৰ সময়তে ৰাইজৰ দলৰ "জাতীয় জাগৰণ যাত্ৰা"ৰ দ্বাৰা পুণৰ জাতীয় সমস্যা সমূহক ৰাইজৰ মাজলৈ লৈ যোৱাৰ প্ৰয়াস কৰিব বুলি দাবী জনাই।
যিহেতু শিৱসাগৰত পঞ্চায়ত নিৰ্বাচনত ৰাইজৰ দলে আশাঁ কৰা ধৰণে ফলাফল লাভ কৰিবলৈ সক্ষম হোৱা নাছিল ।যাৰ পৰিপ্ৰেক্ষিতত ৰাইজৰ দলৰ থিংক টেংকৰ নতুন নিৰ্বাচনী কুচকাৱাজৰ অংশ স্বৰূপ হৈছে এই জাতীয় জাগৰণ যাত্ৰা।
