মাটি ক্ৰয়-বিক্ৰীক লৈ অসম কেবিনেটত গুৰুত্বপূৰ্ণ সিদ্ধান্ত। এতিয়াৰে পৰা মন গ’লেই অন্য ধৰ্মৰ লোকক বিক্ৰী কৰিব নোৱাৰিব মাটি। মাটি ক্ৰয়-বিক্ৰীৰ ক্ষেত্ৰত ৰাজ্য চৰকাৰে আনিব নতুন SOP। আজি দিছপুৰৰ লোকসেৱা ভৱনত অনুষ্ঠিত হয় অসম চৰকাৰৰ কেবিনেট বৈঠক অনুষ্ঠিত হয়। কেবিনেট বৈঠকৰ পিছতেই গুৰুত্বপূৰ্ণ ঘোষণা মুখ্যমন্ত্ৰী হিমন্ত বিশ্ব শৰ্মাৰ। ধৰ্ম বেলেগ হ’লে ভূমি ক্ৰয়-বিক্ৰয়ক লৈ কেবিনেটে নিৰ্ধাৰণ কৰি দিলে নিয়ম। দুই ভিন্নধৰ্মৰ লোকৰ মাজত ভূমি ক্ৰয়-বিক্ৰয়ক লৈ কেবিনেটে প্ৰকাশ কৰিলে নিৰ্দেশনা। ভিন্ন ধৰ্মৰ লোকৰ মাজত মাটিৰ কিনা-বেচা কৰিবলৈ হ’লে কেনেকৈ হ'ব জনালে মুখ্যমন্ত্ৰীয়ে।
নতুন নিয়ম অনুসৰি, মাটি ক্ৰয়-বিক্ৰয়ৰ ক্ষেত্ৰত প্ৰথমে চক্ৰ বিষয়াৰ কাৰ্যালয়ত কৰিব লাগিব আবেদন। চক্ৰ বিষয়াই প্ৰাথমিক পৰীক্ষা কৰি পঠিয়াব জিলা আয়ুক্তলৈ। তাৰ পাছত জিলা আয়ুক্তই ৰাজহ বিভাগলৈ প্ৰেৰণ কৰিব। ৰাজহ বিভাগত এগৰাকী নোডেল বিষয়াই নথি পৰীক্ষা কৰিব। ৰাজহ বিভাগে ফাইল প্ৰেৰণ কৰিব অসম আৰক্ষীৰ বিশেষ শাখা (SB)লৈ। SBয়ে চাৰিটা বিষয়ত মূলতঃ পৰীক্ষা আৰু অনুসন্ধান কৰিব। সেই কেইটা হৈছে-
১. মাটিৰ গৰাকী বৈধ হয়নে নহয় আৰু নথিৰ জালিয়াতি আছে নেকি?
২. কিনোতাৰ ধনৰ উৎস পৰীক্ষা কৰিব SBয়ে
৩. মাটি কিনা-বেচাৰ ফলত অঞ্চলটোত সামাজিক কিবা প্ৰভাৱ পৰিব নেকি?
৪. মাটি কিনা-বেচাৰ ফলত ৰাষ্ট্ৰীয় নিৰাপত্তাৰ প্ৰতি ভাবুকি হ’ব নেকি?
তাৰ পাছত অসম আৰক্ষীৰ বিশেষ শাখাই প্ৰতিবেদন পঠিয়াব জিলা আয়ুক্তলৈ। অৱশেষত জিলা আয়ুক্তই সকলো চালি-জাৰি চাই অনুমতি দিব বা নাকচ কৰিব। ৰাজ্যৰ বাহিৰৰ NGOৰ ক্ষেত্ৰতো প্ৰযোজ্য হ’ব এই নিয়ম। কেবিনেট বৈঠকৰ অন্তত সংবাদমেল সম্বোধন কৰি জনালে মুখ্যমন্ত্ৰীয়ে।
