তুলিৰাম ৰংহাঙক সন্মুখত ৰাখি অসম চৰকাৰে সৌৰশক্তি প্ৰকল্পৰ বাবে ১৮ হাজাৰ বিঘা মাটি গতাব আদানি গ্ৰুপক! নেপিয়াৰ গ্ৰাছ প্ৰকল্পৰ বাবে আম্বানী গ্ৰুপক ১৩ হাজাৰ বিঘা ভূমি গতাব কাৰ্বি আংলং স্বায়ত্তশাসিত পৰিষদে! "কাৰ্বিভূমিৰ ১ লাখ ১৬ হাজাৰ ২৫০ বিঘা ভূমি পাম আইলৰ খেতি কৰিবলৈ ৰামদেৱ আৰু গডৰেজ কোম্পানীক গতোৱাৰ পৰিকল্পনা কৰা হৈছে"। ৰাজীৱ ভৱনত সংবাদমেল অনুষ্ঠিত কৰি এই বিস্ফোৰণ কাৰ্বি আংলং জিলা কংগ্ৰেছৰ সভাপতি ৰতন ইংতিৰ।
পাৰ্বত্য স্বায়ত্তশাসিত এলেকা হিচাপে কাৰ্বি আংলঙৰ মাটি অ-জনজাতীয় লোকক হস্তান্তৰ কৰিব নোৱাৰে। কিন্তু তুলিৰাম ৰংহাঙৰ চক্ৰান্তত অসম চৰকাৰে খিলঞ্জীয়া ভূমিপুত্ৰৰ মাটি পুঁজিপতিক গতাবলৈ ওলোৱাৰ অভিযোগ উত্থাপিত হৈছে। কাৰ্বি আংলং স্বায়ত্তশাসিত পৰিষদৰ ২০০ কোটিতকৈও অধিক দেনাৰ বোজা হোৱাৰ অভিযোগ কংগ্ৰেছৰ। কাৰ্বি আংলঙত মুখ্যমন্ত্ৰী আৰু মন্ত্ৰী পীযূষ হাজৰিকাৰ পৃষ্ঠপোষকতাত শিলৰ ছিণ্ডিকেট চলোৱাৰ অভিযোগ কংগ্ৰেছৰ।
তুলিৰাম ৰংহাঙে কাৰ্বি জনগোষ্ঠীৰ ভূমিৰ অধিকাৰ আৰু স্বাভিমান বিজেপিৰ ওচৰত বিক্ৰী কৰাৰ অভিযোগ কংগ্ৰেছৰ।
