অৱশেষত SIT য়ে ছীল কৰিলে দগাবাজ সিদ্ধাৰ্থ শৰ্মাৰ বটলিং কোম্পানী মহাবীৰ একুৱা। সোমবাৰে ৫ঘণ্টা অভিযানৰ অন্তত SIT য়ে ছীল কৰিলে সিদ্ধাৰ্থৰ কোটি টকীয়া সম্পত্তি। জুবিন গাৰ্গে ন অৰ্জা ধনেৰে নিজৰ হাবিয়াসেই পূৰণ কৰিছিল ধুৰন্ধৰ সিদ্ধাৰ্থ শৰ্মাই। ছয়গাঁওৰ ছাটাবাৰীৰ ৪ ঘন্টা ধৰি অভিযান চলাই মহাবীৰ একুৱা ফেক্টৰীটো তন্ন তন্নকৈ পৰীক্ষা কৰিছিল SIT ৰ দলটোলে। অভিযানৰ পাছতেই SIT ৰ দলটোৱে ছীল কৰে সিদ্ধাৰ্থৰ বটলিং কোম্পানী 'মহাবীৰ একুৱা'। জুবিন গাৰ্গৰ মেনেজাৰ হোৱাৰ সুযোগতে কোটি টকা মালিক হৈ পৰিছিল সিদ্ধাৰ্থ শৰ্মা।
খাৰঘুলিত ২০ কোটি টকাৰ ঘৰ মাটি ৫ কোটি টকাত পাইয়ো কিনিব পৰা নাছিল জুবিন গাৰ্গে। কিন্তু ৩ কোটি টকীয়া বটলিং কোম্পানীৰ মালিক কেনেকৈ হৈছিল মেনেজাৰ সিদ্ধাৰ্থ শৰ্মা ? সিদ্ধাৰ্থ শৰ্মা চাৰিটা ব্যৱসায়ৰ লগত জড়িতৰ স্পষ্ট প্ৰমাণ লাভ কৰিছিল সংবাদ মাধ্যমে। গুৱাহাটীৰ হোটেল ৰয়েল হেৰিটেজ চলাই আছিল সিদ্ধাৰ্থ শৰ্মাই।
সিদ্ধাৰ্থ শৰ্মাই হোটেল চলোৱা কোম্পানীৰ নাম SS VENTURES । ৰ’য়েল গ্ল’বেল বিশ্ববিদ্যালয়ৰ ওচৰৰ হোটেলখনৰ নিৰ্মাণ ব্যয় প্ৰায় ৩০ কোটি টকা।
মাহেকত ৪০ হাজাৰ টকা দৰমহা লাভ কৰা সিদ্ধাৰ্থ হাতলৈ কেনেকৈ আহিছিল কোটি কোটি টকা ? জুবিন গাৰ্গৰ ধনেৰে সিদ্ধাৰ্থই খুলিছিল নেকি ৩ কোটি টকীয়া বটলিং প্লাণ্ট আৰু ৩০ কোটি টকীয়া হোটেল?
