উত্তৰ প্ৰদেশৰ মুখ্যমন্ত্ৰী যোগী আদিত্য নাথৰ প্ৰশংসাত পঞ্চমুখ উচ্চতম ন্যায়ালয়ৰ মুখ্য ন্যায়াধীশ। বিজেপিৰ 'হিন্দুত্ববাদৰ পোষ্টাৰ বয়' যোগী আদিত্য নাথক দেশৰ আটাইতকৈ শক্তিশালী মুখ্যমন্ত্ৰী আখ্যা দিলে মুখ্য ন্যায়াধীশে। কেন্দ্ৰীয় আইন মন্ত্ৰী অৰ্জুন ৰাম মেঘৱালৰ উদ্ধৃতিৰে যোগীক দেশৰ শক্তিশালী মুখ্যমন্ত্ৰী আখ্যা দিলে CJI বি আৰ গাভাই। এলাহাবাদ উচ্চ ন্যায়ালয়ৰ পৰিসৰত অনুষ্ঠিত এক অনুষ্ঠানত এই মন্তব্য কৰিছিল উচ্চতম ন্যায়ালয়ৰ মুখ্য ন্যায়াধীশ বি আৰ গাভাই। মুখ্য ন্যায়াধীশ গাভাইয়ে মুখ্যমন্ত্ৰী যোগীক প্ৰশংসা কৰা অনুষ্ঠানত উপস্থিত আছিল কেন্দ্ৰীয় আইন মন্ত্ৰী মেঘৱাল।
উত্তৰ প্ৰদেশৰ এলাহাবাদে বহু শক্তিশালী লোকৰ জন্ম দিছে বুলি মন্তব্য কৰিছিল উচ্চতম ন্যায়ালয়ৰ মুখ্য ন্যায়াধীশ গৰাকীয়ে। এতিয়াই কিছুমান ক'ব পৰা নাযাব যদিও ২৪ নৱেম্বৰৰ পাছত সকলো কথা কম বুলি মন্তব্য কৰিছিল উচ্চতম ন্যায়ালয়ৰ মুখ্য ন্যায়াধীশ গৰাকীয়ে। উচ্চতম ন্যায়ালয়ৰ মুখ্য ন্যায়াধীশ গৰাকীৰ এই মন্তব্যক লৈ সৃষ্টি হৈছে ৰহস্য।
উল্লেখযোগ্য যে,২৪ নৱেম্বৰত উচ্চতম ন্যায়ালয়ৰ মুখ্য ন্যায়াধীশ হিচাপে অৱসৰ গ্ৰহণ কৰিব বি আৰ গাভাই। মুখ্য ন্যায়াধীশ গৰাকীয়ে অৱসৰ গ্ৰহণ কৰাৰ পাছত ৰাজনৈতিক ইনিংছ আৰম্ভ কৰিব নেকি বুলিও চৰ্চা চলিছে।
