ভাৰতীয় সেনাক অপমান কৰি উচ্চ ন্যায়ালয়ৰ পৰা ধমক খালে কংগ্ৰেছ নেতা ৰাহুল গান্ধীয়ে। সমালোচনাৰ নামত বাক স্বাধীনতাৰ অপপ্ৰয়োগ কৰাৰ অভিযোগ উত্থাপন হৈছিল ৰাহুল গান্ধীৰ বিৰুদ্ধে। ২০২২ চনত ৰাজস্থানত এক সংবাদমেল সম্বোধন কৰি ভাৰতীয় সেনাৰ ওপৰত অপমানজক মন্তব্য কৰিছিল ৰাহুল গান্ধীয়ে। ভাৰত-চীনৰ অৰুণাচল প্ৰদেশৰ সীমান্তত চীনা সৈনিকে ভাৰতীয় সেনাক পিতন দিছিল বুলি মন্তব্য কৰিছিল ৰাহুল গান্ধীয়ে। ভাৰতীয় সেনাক অপমান কৰাৰ বাবে কংগ্ৰেছ নেতা গৰাকীৰ বিৰুদ্ধে এলাহাবাদ উচ্চ ন্যায়ালয়ত ৰুজু হৈছিল গোচৰ।
বুধবাৰে গোচৰটোৰ শুনানি গ্ৰহণ কৰি এলাহাবাদ উচ্চ ন্যায়ালয়ে ককৰ্থনা কৰিছিল ৰাহুল গান্ধীক। গোচৰটোৰ বিপৰীতে ৰাহুল গান্ধীয়ে দাখিল কৰা আবেদন খাৰিজ কৰিছিল এলাহাবাদ উচ্চ ন্যায়ালয়ে।
উল্লেখযোগ্য যে,একেটা অভিযোগৰ ভিত্তিত লক্ষ্ণৌৰ আদালতত ৰাহুল গান্ধীৰ বিৰুদ্ধে তৰা হৈছিল মানহানিৰ গোচৰ। বাক স্বাধীনতাৰ নামত ভাৰতীয় সেনাক অপমান কৰাৰ কাৰ্য সহ্য কৰা নহয় বুলি ৰাহুল গান্ধীক ককৰ্থনা কৰিলে আদালতে।
