বুধবাৰে সম্পন্ন হোৱা অসম কেবিনেটৰ বৈঠকৰ অন্তত সংবাদমেলযোগে সিদ্ধান্তসমূহ সদৰী কৰিলে মুখ্যমন্ত্ৰী হিমন্ত বিশ্ব শৰ্মাই। মুখ্যমন্ত্ৰী হিমন্ত বিশ্ব শৰ্মাই কেবিনেটত ল'লে কেইবাটাও গুৰুত্বপূৰ্ণ সিন্ধান্ত। কি কি সিদ্ধান্ত ল'লে শৰ্মা কেবিনেটে...
শ্বহীদ কনকলতা বৰুৱা বিশ্ববিদ্যালয়ৰ বাবে বিশেষ পদক্ষেপ
১) ৪০০ কোটি টকা ব্যয়ৰে গহপুৰত স্থাপন হ'ব কনকলতা বৰুৱা বিশ্ববিদ্যালয়। প্ৰযুক্তিগত ধাৰনাক গুৰুত্ব দিয়াৰ সিন্ধান্ত বিশ্ববিদ্যালয়খনত।
২) ডিমা -হাছাও জিলাত ৫টা ৰাষ্ট্ৰীয় ঘাইপথলৈ উন্নীত কৰা হ'ব। ডিমা-হাছাও জিলাত মুঠ ৩৪৮ কি.মি পথ নিৰ্মাণত অনুমোদন।
৩) অসমৰ সকলো SPক এতিয়াৰ পৰা জনা যাব জ্যেষ্ঠ আৰক্ষী অধীক্ষক হিচাপে।
৪) মুখ্যমন্ত্ৰী জীৱন অনুপ্ৰেৰণা আঁচনিৰ অনুমোদন কেবিনেটত।
৫) চৰকাৰী বিশ্ববিদ্যালয়ত গৱেষনা কৰা শিক্ষাৰ্থীলৈ আগবঢ়াব এককালীন সাহায্য। ২৫ হাজাৰ টকাকৈ আগবঢ়াব গৱেষক শিক্ষাৰ্থীলৈ। দিব্যাংগ গৱেষক ছাত্ৰক দিব ৪০ হাজাৰ টকা । শীঘ্ৰেই আবেদনৰ বাবে মুকলি কৰিব পৰ্টেল ।
৬) লাখপতি বাইদেউৰ ধন কোন সমষ্টিত কেতিয়া দিয়া হ'ব শীঘ্ৰে হ'ব ঘোষনা ।
৭) মহিলা উদ্যমিতা আঁচনিৰ বাবে ১৪৫০ কোটি টকাৰ অনুমোদন ।
৮) কৃষকৰ বাবে মুখ্যমন্ত্ৰীৰ উৎকৰ্ম যোজনা আঁচনি ।
