বনৰীয়া চৰাইৰ নৃশংসভাৱে হত্যা কৰি সেই দৃশ্য YOUTUBE চেনেলত আপলোড কৰি ৰঙাঘৰৰ আলহী হ'ল ধেমাজিৰ ইউটিউবাৰ। পৰিৱেশ দিৱসৰ দিনটোতে পাৰিপাৰ্শ্বিকতাৰ প্ৰতি ভাবুকি কঢ়িয়াই অনা এনে ঘটনা পোহৰলৈ আহিছে। VIEWERS ৰ আশাত চৰাইৰ হত্যা কৰি সেই দৃশ্যসমূহ YOUTUBEত UPLOAD কৰিছিল ধেমাজিৰ চিমেন চাপৰিত তিনিজন যুৱকে ।
খৰালি হাঁহ, পানী কাউৰী, কণামুচৰীৰ দৰে আদি চৰাইৰ বিচৰণভূমি ধেমাজিৰ চীমেন চাপৰিৰ হস্তিনাপুৰ আৰু কৰদৈগুৰি গাঁৱৰ পিটনি অঞ্চলসমূহত কেটেপাৰ সহায়ত চৰাইৰ হত্যা কৰি সেই দৃশ্যসমূহ YOUTUBEত UPLOAD কৰিছিল ধেমাজিৰ চিমেন চাপৰিত এই তিনিজন যুৱকে।
VIEWERS বঢ়োৱাৰ বাবে বিভিন্ন চৰাইৰ শতাধিক কণী আনি বন্য উল্লাসত মত্ত হোৱাৰ নৃশংস দৃশ্যসমূহ YOUTUBEত UPLOAD কৰিছিল। অৱশেষত বন্যপ্ৰাণী সুৰক্ষা আইনৰ অধীনত তিনিজন YOUTUBERক গ্ৰেপ্তাৰ কৰে চিমেন চাপৰি আৰক্ষীয়ে৷ গ্ৰেপ্তাৰ হোৱা তিনিজন হ’ল হস্তিনাপুৰৰ মুনিন্দ্ৰ মুছাহাৰী, লামকা গাঁৱৰ মহেশ্বৰ স্বৰ্গীয়াৰী আৰু শিৱৰাম স্বৰ্গীয়াৰী। JAKRUB নামৰ YOUTUBEচেনেলত আপলোড কৰিছিল বনৰীয়া চৰাই আৰু কণী ধ্বংসৰ এই নৃশংস দৃশ্যসমূহ৷
বৃহৎ সংখ্যক SUBSCRIBER আৰু VIEWERS থকা এই JAKRUB নামৰ YOUTUBE চেনেলটোত ৩৩টা ভিডিঅ’ আপলোড কৰা হৈছে। কিন্তু গ্ৰেপ্তাৰ হোৱাৰ হোৱাৰ পিছত চেনেলটোৰ পৰা সেইসমূহ ভিডিঅ’সমূহ ডিলিট কৰি দিয়া হয়। অৱশ্যে বনবিভাগে সেই ভিডিঅ’সমূহ সংৰক্ষণ কৰি ৰাখিছে।
