ঈদ ঊল আজহাৰলৈ মাজত মাথোঁ এটা দিন। সমগ্ৰ ভাৰততে অহা ৭ জুনৰ দিনা ইছলাম ধৰ্মাৱলম্বী লোকসকলে পালন কৰিব ঈদ উল আজহা বা কুৰবাণী ঈদ। এই ঈদত জন্তু কুৰবাণী অৰ্থাৎ বলি দিয়াটো ইছলাম ধৰ্মাৱলম্বী লোক সকলৰ ধাৰ্মিক নিয়ম। কিন্তু এইবাৰ কুৰবাণী ঈদৰ পূৰ্বে এগৰাকী মন্ত্ৰীৰ এক মন্তব্যই চিন্তিত কৰি তুলিছে মুছলমান সকলক। কিয়নো মন্ত্ৰীগৰাকীয়ে কুৰবাণীৰ সন্দৰ্ভত মুকলিকৈ দিছে ভাবুকি।
এই গৰাকী মহাৰাষ্ট্ৰ চৰকাৰৰ মন্ত্ৰী নীতেশ ৰাণে । মন্ত্ৰী ৰাণেই সমাগত ঈদৰ সন্দৰ্ভত মন্তব্য কৰি কয় যে,
"ঈদত বলপূৰ্বকভাৱে কুৰবানী দিলে ব্যৱস্থা লোৱা হ'ব। এই দেশখন কাৰো পিতৃৰ পাকিস্তান নহয়। এইখন হিন্দু ৰাষ্ট্ৰ, ইয়াত শ্বৰীয়ত আইন নচলে। এইখন দেশত হিন্দুৰ ওপৰত যি নিয়ম আছে, বাকী সকলৰ ওপৰতো একেই নিয়ম চলিব। হিন্দুৰ উৎসৱত বিভিন্নজনে আমাক বিভিন্ন পৰামৰ্শ দিয়ে, ঈদত কিয় পৰামৰ্শ নিদিয়ে? হোলী আৰু দীপাৱলীত আমাক পৰিবেশ ৰক্ষাৰ জ্ঞান দিয়া হয়। কুৰবানী ঈদ কিয় ভাৰ্চুৱেলী অনুষ্ঠিত কৰা নহয়?হিন্দু অধ্যুষিত অঞ্চলত কুৰবানী দিলে কাকো ৰেহাই দিয়া নহয়"।
মহাৰাষ্ট্ৰৰ বিজেপিৰ মন্ত্ৰী নিতেশ ৰাণে ঈদ-উল-আজহাক লৈ দিলে এনেদৰে ভাবুকি। মন্ত্ৰী গৰাকীৰ এই মন্তব্যৰ পাছতে গৰম হৈ পৰিছে মহাৰাষ্ট্ৰৰ ৰাজনীতি।
