ৰয়েল চেলেঞ্জাৰ্ছ বেংগালুৰুৰ বিৰুদ্ধে গোচৰ নিজাববীয়াকৈ গোচৰ ৰুজু কৰিলে বেংগালুৰু আৰক্ষীয়ে। চিন্নস্বামী ষ্টেডিয়ামৰ বাহিৰত RCBৰ বিজয় উদযাপনত সময়ত পদপিষ্ট হৈ মৃত্যু হৈছিল ১১জনকৈ লোকৰ। ঘটনাক কেন্দ্ৰ কৰি বেংগালুৰু আৰক্ষীয়ে RCB আৰু কৰ্ণাটক ক্ৰিকেট এছোচিয়েচনৰ বিৰুদ্ধে ৰুজু কৰিছে গোচৰ।
বেংগালুৰুৰ ছিন্নাস্বামী ষ্টেডিয়ামত RCB ৰ বিজয় উৎসৱ আয়োজনৰ দায়িত্বত থকা DNA ইভেন্ট মেনেজমেণ্ট কোম্পানীৰ বিৰুদ্ধেও ৰুজু হৈছে গোচৰ। RCB ৰ বিজয় উৎসৱৰ সময়ত মেনেজমেণ্টত গাফিলতিৰ অভিযোগত বেংগালুৰু আৰক্ষীয়ে ৰুজু কৰিছে গোচৰ। আনহাতে বেংগালুৰুৰ ছিন্নাস্বামী ষ্টেডিয়ামত RCB ৰ বিজয় উৎসৱৰ সময়ত সংঘটিত ঘটনাৰ তদন্তৰ দায়িত্ব CID ক দিলে কৰ্ণাটকৰ চৰকাৰে। ১১ জনকৈ লোকৰ মৃত্যুৰ ঘটনাৰ সন্দৰ্ভত CID ৰ তদন্তৰ লগতে SIT গঠনৰ পোষকতা কৰিলে কৰ্ণাটকৰ চৰকাৰে। ছিন্নাস্বামী ষ্টেডিয়ামৰ বাহিৰত সংঘটিত ঘটনাৰ তদন্ত কৰি ১৫ দিনৰ ভিতৰত প্ৰতিবেদন দিব লাগিব বেংগালুৰুৰ আৰক্ষী আয়ুক্তই।
বিজয় উৎসৱ উদযাপন কৰিবলৈ চিন্নস্বামী ষ্টেডিয়ামৰ বাহিৰত সমবেত হৈছিল প্ৰায় ২ লাখ ৫০ হাজাৰ জনতা। কিন্তু বেংগালুৰুৰ ছিন্নাস্বামী ষ্টেডিয়ামত ৩৫ হাজাৰ লোকৰ বাবেহে আসনৰ ব্যৱস্থা আছিল। পৰিস্থিতি নিয়ন্ত্ৰণ কৰিবলৈ RCB ৰ অনুৰাগীৰ ওপৰত লাঠিচাৰ্জ কৰিবলৈ বাধ্য হৈছিল বেংগালুৰুৰ আৰক্ষী। আৰক্ষীৰ লাঠিচাৰ্জৰ সময়ত পলায়নৰ চেষ্টা কৰোতেই পদপিষ্ট হৈ মৃত্যু হৈছিল ১১ জন। ষ্টেডিয়ামৰ বাহিৰত সংঘটিত ঘটনাৰ সংক্ৰান্তত কৰ্ণাটক উচ্চ ন্যায়ালয়েও নিজাববীয়াকৈ লৈছিল গোচৰ।
