অসমৰ প্ৰাক্তন ৰাজ্যপাল লোকনাথ মিশ্ৰৰ পুত্ৰ পিনাকী মিশ্ৰৰ সৈতে বিবাহপাশত আবদ্ধ হয় তৃণমূল কংগ্ৰেছৰ সাংসদ মহুৱা মৈত্ৰ। ৩০ মে’ত জাৰ্মানীত দুয়োয়ে বিবাহপাশত আবদ্ধ হয়। বিজু জনতা দলৰ প্ৰাক্তন সাংসদ তথা জেষ্ঠ অধিবক্তা পিনাকী মিশ্ৰৰ সৈতে গোপনে বিবাহপাশত আবদ্ধ হয় তৃণমূল কংগ্ৰেছৰ সাংসদগৰাকী। কৃষ্ণগড়ৰ সাংসদগৰাকীৰ বিয়াক লৈ দল আৰু সাংসদগৰাকীয়ে নিজেও সম্পূৰ্ণৰূপে নীৰৱতা অৱলম্বন কৰিছে। বৃহস্পতিবাৰে ভাইৰেল হৈ পৰে মহুৱা মৈত্ৰৰ বিবাহৰ এখন ফটো।
পিনাকী মিশ্ৰৰ মহুৱা মৈত্ৰৰ সৈতে এয়া দ্বিতীয় বিবাহ, মিশ্ৰৰ এজন পুত্ৰ আৰু এগৰাকী কন্যা সন্তান আছে। আটাইতকৈ স্পষ্টবাদী সাংসদসকলৰ ভিতৰত অন্যতম মহুৱা মৈত্ৰয়ো পূৰ্বে ডেনিছ বিত্তীয় বিষয়া লাৰ্ছ ব্ৰ’ৰছনৰ সৈতে বিবাহপাশত আবদ্ধ হৈছিল আৰু তেওঁৰ ইতিমধ্যে বিবাহ বিচ্ছেদ হৈছিল।
