সন্ত্ৰাসবাদীক আশ্ৰয় দি অহা বুলি প্ৰমাণিত হোৱাৰ পাছতো পাকিস্তানৰ বিৰুদ্ধে নৰম স্থিতি আমেৰিকাৰ। পাকিস্তানক লৈ আমেৰিকাৰ ৰাষ্ট্ৰপতি ড'নাল্ড ট্ৰাম্পৰ ৰহস্যজনক ভূমিকাক লৈ সৃষ্টি হৈছে ৰহস্য। ১২খন দেশৰ নাগৰিক প্ৰৱেশৰ ক্ষেত্ৰত সম্পূৰ্ণ নিষেধাজ্ঞা আৰোপ কৰা আমেৰিকাই কিয় ৰেহাই দিলে পাকিস্তানক? যাক লৈ সৃষ্টি হৈছে ৰহস্য।
আমেৰিকাৰ ৰাষ্ট্ৰীয় নিৰাপত্তাৰ কথা দোহাই দি ৰাষ্ট্ৰপতি ট্ৰাম্পে নিষেধাজ্ঞা আৰোপ কৰিছিল ১২ খন দেশৰ ক্ষেত্ৰত। আমেৰিকাই নিষেধাজ্ঞা আৰোপ কৰা ৰাষ্ট্ৰৰ তালিকাত নাম আছিল আফগানিস্তান চুডান,ইৰাণ,ছোমালিয়আ আৰু য়েমেনৰ দৰে ইছলামিক ৰাষ্ট্ৰৰ। কিন্তু আমেৰিকাই ৰাষ্ট্ৰীয় নিৰাপত্তাৰ দোহাই দি নিষেধাজ্ঞা আৰোপ কৰা তালিকাৰ পৰা ৰহস্যজনক কাৰণত নাম কৰ্তন কৰা হৈছিল পাকিস্তানৰ।
পাকিস্তানৰ সৈতে ভিতৰুৱা এনে কি বুজা বুজি আছে আমেৰিকাৰ ৰাষ্ট্ৰপতি ড'নাল্ড ট্ৰাম্পৰ। বিগত আঢ়ৈ মাহ ধৰি সন্ত্ৰাসবাদীৰ পৃষ্ঠপোষক পাকিস্তানৰ ক্ষেত্ৰত ইউ-টাৰ্ণ লৈ আহিছে মাৰ্কিন প্ৰশাসনে।
চলিত বৰ্ষৰ মাৰ্চ মাহলৈকে আমেৰিকাই এই নিষেধাজ্ঞাৰ তালিকাত পাকিস্তানৰ নাম চামিল কৰাৰ কথা বিবেচনা কৰিছিল।কিন্তু ৪ জুনত মাৰ্কিন প্ৰশাসনে নিশেধাজ্ঞা আৰোপ কৰা তালিকাত ৰহস্যজনক কাৰণত নাম নাছিল পাকিস্তানৰ।
২০১৮ চনত আমেৰিকাৰ ৰাষ্ট্ৰপতি হিচাপে ট্ৰাম্পে পাকিস্তানৰ বিৰুদ্ধে লোৱা স্থিতি আৰু বৰ্তমানৰ স্থিতিৰ মাজত আছে বৃহৎ তফাৎ। ২০১৮ চনত পাকিস্তানে ওচামা বিন লাডেনক সহায় কৰা বুলি অভিযোগ কৰা ৰাষ্ট্ৰপতি ড'নাল্ড ট্ৰাম্পে ৭ বছৰৰ ভিতৰতে মাৰিলে পাভলুটি।
মুঠতে পাকিস্তানৰ নাগৰিকৰ ওপৰত আমেৰিকাই নিষেধাজ্ঞা আৰোপ নকৰাক লৈ ৰহস্যৰ গোন্ধ পাইছে ৰাজনৈতিক বিশ্লেষকে। হাতীৰ দেখুওৱা দাত বেলেগ আৰু খোৱা দাত বেলেগ বুলি প্ৰচলিত অসমীয়া আপ্তবাক্যশাৰীয়েই প্ৰযোজ্য হৈছে ট্ৰাম্পৰ ক্ষেত্ৰত।
