ক্ৰমাৎ ৰহস্যঘন হৈ পৰিছে শ্বিলঙত ৰহস্যজনক মৃত্যুক আঁকোৱালি লোৱা নম্ৰতা বৰা কাণ্ডই। নম্ৰতাৰ মৃত্যুৰ ৪ দিনত ভৰি দিলে। প্ৰতি মুহূৰ্তত যেন সলনি হৈছে নম্ৰতা বৰা কাণ্ডই। মুখ্যমন্ত্ৰীৰ হস্তক্ষেপ বিচাৰিছিল নুমলীগড়ৰ নম্ৰতাৰ পৰিয়ালে ।
মুখ্যমন্ত্ৰীৰ নিৰ্দেশৰ পিছতে মেঘালয়ৰ আৰক্ষীৰ সমান্তৰালকৈ গুৱাহাটী আৰক্ষীয়ে তদন্ত আৰম্ভ কৰিছে নম্ৰতাৰ মৃত্যু কাণ্ডৰ।
শনিবাৰে নিশা গুৱাহাটীৰ কাহিলীপাৰাৰ TREE TOPত এপাৰ্টমেণ্টৰ নম্ৰতাৰ বন্ধু-বান্ধৱী মৃগাংক-প্ৰজ্ঞাই বিলাসী গেষ্ট হাউছত মহানগৰ আৰক্ষীয়ে চলাইছিল অভিযান। শনিবাৰৰ নিশাৰ অভিযানৰ পিছতে TREE TOP BUNGLOW এপাৰ্টমেণ্টৰ গেষ্ট হাউছ খালী কৰিবলৈ আৰম্ভ কৰিছে এতিয়া মৃগাংক বৰা আৰু প্ৰজ্ঞা দিহিঙীয়াই।
উল্লেখ্য যে ৩ জুনৰ নিশাৰ নম্ৰতাৰ ৪ বন্ধু-বান্ধৱী দাবী কৰা অনুসৰি মৃগাংক-প্ৰজ্ঞা-আন্নায়াতুল-গায়ত্ৰীয়ে পাৰ্টী কৰিছিল REE TOPত এপাৰ্টমেণ্টৰ গেষ্ট হাউছত । ৩ জুনৰ বিধায়ক পুত্ৰ আন্নায়াতুলে দিছিল নিশাৰ পাৰ্টি।
স্থানীয় ৰাইজৰ অভিযোগ অনুসৰি প্ৰতি দোভাগ নিশাই এই গেষ্ট হাউছত চলে পাৰ্টি। একাংশ ৰহস্যময়ী যুৱক-যুৱতী ৰঙীন পাৰ্টী কৰে গেষ্ট হাউছটোলৈ আহি।
শেহতীয়াকৈ পোহৰলৈ অহা তথ্য অনুসৰি কাহিলীপাৰাই নহয়, VIP আৰু হেঙেৰাবাৰীতো আছে মৃগাংক-প্ৰজ্ঞাৰ গেষ্ট হাউছ। AIUDF বিধায়ক পুত্ৰ আন্নায়াতুলৰে ঘনিষ্ঠ হৈ মৃগাংক-প্ৰজ্ঞাই গেষ্ট হাউছ চলোৱাৰ অভিযোগ উত্থাপন হৈছে।
আনহাতে, নম্ৰতাৰ প’ষ্টমৰ্টেমৰ প্ৰাথমিক প্ৰতিবেদনতো সন্দেহ ওপজিছে তদন্তকাৰী আৰক্ষীয়ে। নম্ৰতাৰ ৪ বন্ধুৱে কেমেৰাৰ আগত দিয়া ভাষ্যৰ সৈতে আৰক্ষীক দিয়া ভাষ্যৰ মিল নাই বুলিও জানিব পৰা গৈছে।
গাড়ীখনে ৰখাউ থোৱা ট্ৰাকত খুন্দিওৱা বুলি প্ৰথম অৱস্থাত কৈছিল যদিও গাড়ীখনৰ নম্ৰতা বহা ফালৰ দৰ্জাখনহে ক্ষতিগ্ৰস্ত হোৱা বুলি কৈছিল , কিন্তু নম্ৰতাৰ মৃত্যুৰ বিপৰীতে বাকীবোৰৰ শৰীৰৰ মাখি ছাল অকনো নিচিঙা দিশটোৰ প্ৰতি লক্ষ্য কৰি সকলোকে সন্দেহ উপজে ।
আনফালে নম্ৰতাৰ মৃত্যুৰ পিছতে আন এক ৰহস্য পোহৰলৈ আহিছে, নম্ৰতাৰ ইষ্টাগ্ৰাম একাউণ্টৰ পৰা ডিলেট হৈছে কেইবাটাও পোষ্ট। আন কোনো লোকে নম্ৰতা বৰাৰ ম’বাইল ব্যৱহাৰ কৰাৰ সন্দেহ কৰিছে আৰক্ষীয়ে।
উল্লেখ্য যে ৪ বন্ধুৱে দাবী কৰা অনুসৰি দুৰ্ঘটনাৰ দিনা নম্ৰতাই নিজৰ i-Phone এৰি গৈছিল ৰুক্মিণীগাঁৱৰ নেহা এপাৰ্টমেণ্টতে। তেনেস্থলত হঠাৎ কোনে ব্যৱহাৰ কৰিছে নম্ৰতাৰ ম’বাইল ফোন?