ঈদ-উজ-জোহাৰ সময়ত অবৈধভাৱে গো হত্যা কৰা সকলক শেষ সকিয়নি দিলে মুখ্যমন্ত্ৰীয়ে। ৰাজ্যৰ ৫ টা স্থানত অবৈধভাৱে গো হত্যা কৰা বুলি তথ্য প্ৰকাশ কৰিছে মুখ্যমন্ত্ৰীয়ে। কটন বিশ্ববিদ্যালয়ৰ নিকটৱৰ্তী অঞ্চলৰ পৰাও উদ্ধাৰ হৈছে গো মাংস।
ধুবুৰী,হোজাই আৰু শ্ৰীভূমিৰ বাগৰগুলৰ নিকটৱৰ্তী অঞ্চলকে ধৰি মুঠ ৫ টা স্থানত অবৈধভাৱে গো হত্যা কৰা হৈছিল। ধৰ্মীয় স্বাধীনতাৰ নামত একাংশ লোকে লগাব বিচাৰিছে নেকি সাম্প্ৰদায়িক সংঘৰ্ষ ?
অবৈধভাৱে গো হত্যাৰ অপৰাধৰ ৰাজ্যৰ বিভিন্ন স্থানৰ পৰা আৰক্ষী আটক কৰিছে ১৬ জন লোকক। আটক হোৱা ১৬ জন লোকৰ ৯ জন কাছাৰৰ আৰু ৭ জনেই শ্ৰীভূমিৰ বুলি তথ্য সদৰী কৰিছে মুখ্যমন্ত্ৰীয়ে।
'আমাৰ সংবিধানে ধৰ্মীয় স্বাধীনতাৰ অধিকাৰ সুনিশ্চিত কৰাৰ সমান্তৰালভাৱে আইনৰ শাসন আৰু জনশৃংখলা সমানে ৰক্ষা কৰে!এই ঈদ-উজ-জোহাত সমগ্ৰ অসমৰ একাধিক স্থানৰ পৰা গৰুৰ অংশ উদ্ধাৰৰ ঘটনা সংঘটিত হোৱা বুলি বাতৰি পোৱা গৈছে!আমি সাম্প্ৰদায়িক সম্প্ৰীতি ৰক্ষাৰ প্ৰতি সদায় দায়বদ্ধ কিন্তু আইন বৰ্হিভূত বা নিষ্ঠুৰতাক আমি মানি ল'ব নোৱাৰিম!বিশ্বাস আৰু পটভূমি নিৰ্বিশেষে সকলো আইন উলংঘাকাৰীৰ বিৰুদ্ধে কঠোৰ ব্যৱস্থা গ্ৰহণ কৰা হ'ব৷'
দেওবাৰে ছ'চিয়েল মিডিয়াৰ যোগে এই অন্তিম সকিয়নি দিলে মুখ্যমন্ত্ৰী হিমন্ত বিশ্ব শৰ্মাই।
