গো মাংসক লৈ উত্তেজনা অব্যাহত আছে হোজাইত। হোজাইৰ ৰাজপথৰ পৰা ১৩ কেঃজিঃ গো মাংস জব্দ কৰিলে আৰক্ষীয়ে। হোজাই ভূঞাপট্টিৰ পৰা আৰক্ষীয়ে জব্দ কৰে প্ৰায় ১৩ কিলোগ্ৰাম গো মাংস। ঘটনা সন্দৰ্ভত হোজাই আৰক্ষীয়ে আটক কৰিছে আমিৰ হুছেইন নামৰ এজন ব্যক্তিক।
আমিৰ হুছেইনে ঘৰৰ পৰা অন্য স্থানলৈ নিছিল গো মাংস। ৰাজপথেদি গৈ থকাৰ অৱস্থাতে আমিৰ হুছেইনৰ পৰা আৰক্ষীয়ে জব্দ কৰে গো মাংস। পবিত্ৰ কুৰবাণী ঈদৰ দিনাও পথত গো-মাংস পেলাই থৈ যোৱাক লৈ হোজাইত সৃষ্টি হৈছিল উত্তেজনা। উত্তেজিত ৰাইজক ছত্ৰভংগ দিয়াবলৈ লাঠীচালনা কৰিব লগা হৈছিল আৰক্ষীয়ে।
বৰপুখুৰীত পথ অৱৰোধ কৰি একাংশ হিন্দু লোকে কৰিছিল প্ৰতিবাদ। বিপৰীতে হোজাইৰ ভূঞাপট্টিত একাংশ মুছলমান লোকে পথ অৱৰোধ কৰাত বৃদ্ধি পাইছিল উত্তেজনা। ঘটনা সন্দৰ্ভত হোজাই বৰ পুখুৰীত সমগ্ৰ বিষয় পৰিদৰ্শন কৰিলে IGP অখিলেশ কুমাৰ সিঙে
