‘‘মই নিৰ্দোষী, মই স্বামীক হত্যা কৰা নাই!’’গ্ৰেপ্তাৰৰ পাছত আৰক্ষীৰ জেৰাৰ সময়ত দাবী কৰিলে সোনমে।
আৰক্ষীক সোনমে জনোৱা অনুসৰি মেঘালয়ত সুনমক অপহৰণ কৰা হৈছিল । সোনমে বাৰে বাৰে দাবী কৰিছে যে তেওঁ হত্যাকাৰী নহয়, বৰঞ্চ এই ঘটনাৰ বলিহে হৈছে । সোনমে দাবী কৰে যে অপহৰণকাৰীয়ে মেঘালয়ত তেওঁক এৰি থৈ যোৱাৰ পাছত তেওঁ ঘৰলৈ ফোন কৰি তেওঁলোকৰ সৈতে যোগাযোগ কৰে। ইয়াৰ পাছতে আৰক্ষীয়ে তেওঁক গ্ৰেপ্তাৰ কৰে।দেওবাৰে উত্তৰ প্ৰদেশৰ এখন ধাবাৰ পৰা সোনমক গ্ৰেপ্তাৰ কৰে আৰক্ষীয়ে।
মেঘালয়ত স্বামী ৰাজা ৰঘুবংশীক হত্যা কৰাৰ অভিযোগত পত্নী সোনম ৰঘুবংশীক গ্ৰেপ্তাৰ কৰিছে আৰক্ষীয়ে। অভিযোগ অনুসৰি হানিমুনত চেৰাপুঞ্জীলৈ আহি পূৰ্বৰ প্ৰেমিকৰ সৈতে মিলি সোনমে স্বামীক হত্যা কৰিছিল।
এই ঘটনাত ইতিমধ্যে সোনমৰ বাহিৰেও আন তিনিজনক গ্ৰেপ্তাৰ কৰিছে আৰক্ষীয়ে। এই ঘটনাত সোনমৰ ৰাজ কুশৱা নামৰ এজন প্ৰেমিকৰ নামো পোহৰলৈ আহিছে।
আনহাতে সোনমৰ পিতৃ দেৱী সিঙে দাবী কৰিছে যে তেওঁৰ কন্যাক নিৰ্দোষী । সমগ্ৰ ঘটনা সন্দৰ্ভত চিবিআইৰ তদন্তৰ দাবী কৰিছে সোনমৰ পিতৃয়ে ।
মৃত ৰাজা ৰঘুবংশীৰ পৰিয়ালেও সোনমৰ মুখৰে সকলো কথা শুনিব বিচাৰে বুলি জানিবলৈ দিয়ে।
