চুবুৰীয়া শত্ৰু ৰাষ্ট্ৰৰ ওপৰত চকু ৰাখিব ISTAR চোৰাংচোৱা বিমানে। বিশেষকৈ চীন-পাকিস্তানৰ ওপৰত চকু ৰাখিব দেশতে নিৰ্মাণ হোৱা ISTAR বিমানে। দেশতে নিৰ্মাণ কৰা হৈছে এক অত্যাধুনিক চোৰাংচোৱা বিমান — ISTAR। এই সংযোজনে ভাৰতীয় বায়ুসেনাৰ চোৰাংচোৱা বিভাগক আধিক সবল কৰি তুলিছে। ‘ডিফেন্স ৰিচাৰ্চ এণ্ড ডেভেলপমেণ্ট অৰ্গেনাইজেশ্যন’(DRDO)ৰ দ্বাৰা সম্পূৰ্ণ দেশীয় প্রযুক্তিৰে নিৰ্মাণ কৰা হৈছে এই বিমান। চোৰাংচোৱা বিমান আইষ্টাৰৰ নিৰ্মাণত খৰচ হ’ব প্ৰায় ১০ হাজাৰ কোটি টকা। ভাৰতীয় বায়ুসেনাৰ বাবে প্ৰথম পৰ্য্যায়ত তিনিখন বিমান ক্ৰয়ৰ সিদ্ধান্ত প্ৰতিৰক্ষা মন্ত্ৰালয়ৰ।
প্রতিবেশী দেশৰ ওপৰত অধিক চকু ৰাখিবলৈ সক্ষম হোৱাৰ লগতে, শত্রু পক্ষৰ ৰাডাৰ, এয়াৰ ডিফেন্স ইউনিট তথা সামৰিক কাৰ্যকলাপৰ ওপৰত অধিক নজৰ ৰখাত সহায় হ'ব। এই বিমানসমূহে কেৱল আকাশমাৰ্গৰে নহয় স্থলভাগতো চোৰাংচোৱা তথ্য প্ৰদান কৰিব।যাৰ জৰিয়তে সামৰিক কৌশল অধিক সফলভাৱে ৰূপায়ণ কৰিব পাৰিব।
‘ডিফেন্স একুইজিশন কমিটী’ৰ বৈঠকতে মেক ইন ইণ্ডিয়া’ৰ অংশ হিচাপে আনুষ্ঠানিকভাৱে অনুমোদন দিব প্রতিৰক্ষা মন্ত্ৰী ৰাজনাথ সিঙে ।
DRDOৰ অধীনত ‘চেন্টাৰ ফৰ এয়াৰব’ৰ্ণ চিষ্টেমছ’ৰ বিজ্ঞানীসকলে ইতিমধ্যে এই বিমানৰ সফল পৰীক্ষা সম্পন্ন কৰিছে। শীঘ্ৰেই এই অত্যাধুনিক চোৰাংচোৱা বিমানসমূহ ভাৰতীয় বায়ুসেনাৰ ব্ৰিগেডত অন্তর্ভুক্ত হোৱাৰ সম্ভাৱনা আছে।
