দিল্লীত পৰীক্ষা দিবলৈ গৈ এতিয়া মৃতদেহ হিচাপে ঘৰলৈ উভতি আহিব হাফলঙৰ ৰশ্মিতা হোজাই। RRBৰ পৰীক্ষা দিবলৈ দিল্লীলৈ গৈ ৫ জুনৰ পৰা সন্ধানহীন হৈছে আছিল ৰশ্মিতা হোজাই। নতুন দিল্লীৰ পৰা সন্ধানহীন হোৱা ডিমা হাছাওৰ যুৱতীৰ মৃতদেহ উদ্ধাৰ হৈছে উত্তৰাখণ্ডত। ৰহস্যজনক অৱস্থাত উদ্ধাৰ হৈছিল ৰশ্মিতা হোজাই নামৰ যুৱতীগৰাকীৰ মৃতদেহ।
উত্তৰাখণ্ডত গংগা নদীৰ পাৰত মৃতদেহ উদ্ধাৰ হোৱা ৰশ্মিতা হোজাইৰ ঘৰ হাফলঙৰ চুনটিলাত ।গাড়োৱাল জিলাৰ পাউৰিত গংগা নদীৰ পাৰত উদ্ধাৰ মৃতদেহটো। যোৱা ৫ জুনৰ পৰা সন্ধানহীন হৈ আছিল ৰশ্মিতা হোজাইক হত্যা কৰাৰ সন্দেহৰ পৰিয়ালৰ। ৮ জুনত APSC ৰ প্ৰাৰম্ভিক পৰীক্ষাত অৱৰ্তীণ হোৱাৰ কথা আছিল মেধাৱী ছাত্ৰী গৰাকী। ৬ জুনত দুগৰাকী দুগৰাকী বন্ধুৰ সৈতে ঋষিকেশত উপস্থিত হৈছিল ৰশ্মিতা হোজাই। ঋষিকেশত উপস্থিত হৈ হাৰিয়ানাৰ যুৱক হেমন্ত শৰ্মা আৰু অন্য এজন বন্ধুৰ সৈতে মধ্য প্ৰদেশৰ শিৱপুৰীলৈ যোৱাৰ পৰিকল্পনা কৰিছিল ৰশ্মিতাই। কিন্তু ৰহস্যজনকভাবে সেইদিনাই গধূলিলৈ ৰশ্মিতা হোজাই নিৰুদ্দেশ হোৱা বুলি দুই বন্ধুয়ে এজাহাৰ দাখিল কৰিছিল শিৱপুৰি আৰক্ষী থানাত।
ঘটনাৰ সংক্ৰান্তত আৰক্ষীয়ে তদন্ত আৰম্ভ কৰাৰ পাছতেই পোহৰলৈ আহিছিল চাঞ্চল্যকৰ তথ্য। গংগা নদীত যুৱতীয়ে স্নান কৰি থকাৰ অৱস্থাত পানীত ডুবি গৈছিল বুলি দাবী কৰিছিল এগৰাকী স্থানীয় লোকে। যুৱকদ্বয়ৰ এজাহাৰৰ ভিত্তিত আৰক্ষীয়ে SDRF ৰ সহায়ত গংগা নদীত ৰশ্মিতাৰ সন্ধানত উদ্ধাৰ অভিযান চলাইছিল আৰক্ষীয়ে।
অৱশেষত উত্তৰাখণ্ডৰ গাড়োৱাল জিলাৰ পাউৰিত গংগা নদীৰ পাৰত উদ্ধাৰ হ'ল ৰশ্মিতা হোজাইৰ মৃতদেহ। গুৱাহাটীত থাকি APSC ৰ প্ৰাৰম্ভিক পৰীক্ষাৰ বাবে প্ৰস্তুতি চলাই আছিল ৰশ্মিতাই। হাৰিয়ানাৰ এখন শিক্ষা প্ৰতিষ্ঠানৰ পৰা ইঞ্জিনিয়াৰিং ডিগ্ৰী লাভ কৰিছিল ৰশ্মিতা হোজাই। ৰশ্মিতা হোজাইৰ ৰহস্যজনক মৃত্যুৰ সন্দৰ্ভত উচিত তদন্তৰ দাবী কৰিছে সমগ্ৰ ডিমা হাচাও বাসীয়ে।
